ہنزہ ( اجلال حسین ) بالائی ہنزہ (گوجال) کے گاو ں مورخون سے تعلق رکھنے والے مشہور معروف سماجی رہنما سابق صدر اسماعیلی لوکل کونسل گوجال بالا اور سابق ایم ڈی وبانی سوست ڈرائی پورٹ ٹرسٹ، مرزا حسن کل رات اچانک حرکت قلب بند ہونے سے انتقال کر گئے ۔ ان کی عمر تقریباً 57برس تھی۔ مرحوم نے بیوہ، ایک بیٹی اور چار بیٹے سوگوار چھوڑے ہیں۔
مرحوم مرزا حسن ضلع ہنزہ میں مختلف سماجی اداروں میں اپنی خدمات سرانجام دے رہے تھے۔ سوست ڈارئی پورٹ ٹرسٹ کے قیام میں انہوں نے نمایاں کردار ادا کیا۔ جس کے بعد وہ کئی سال تک سوست ڈرائی پورٹ ٹرسٹ کے منیجنگ ڈائریکٹر/وائس چیرمین بھی رہے۔
مرحوم مرزہ حسن کی اچانک موت سے ضلع ہنزہ غم زدہ ہے۔ عوامی حلقوں کی جانب سے ان کی وفات پر گہرے دکھ کا اظہار کرتے ہوئے سوگواروں سے دلی ہمدردی کا اظہار کیا جارہاہے۔ مرحوم کو آج ان کے آبائی گاوں مورخوں میں ہزاروں سوگواروں کی موجودگی میں سپرد خاک کیا گیا۔
آپ کی رائے
