کوہستان (شمس الرحمن شمس) کوہستان پولیس کی فراہم کردہ اطلاعات کے مطابق تھانہ ہربن کے قریب مسافر بس الٹ کر گہری کھائی میں جاگری ہے۔ حادثےمیں 2مسافر جاں بحق اور 13 کے زخمی ہونے کی اطلاعات ہیں۔
تفصیلات کے مطابق بس نمبر 1577 بطرف استور گلگت بلتستان جارہی تھی۔
ڈی پی او کوہستان عبدالعزیز آفریدی نے میڈیا کو بتایا ہے کہ حادثہ صبح آٹھ بجے ہربن کے قریب پیش آیا۔
ابتدائی معلومات کے مطابق زخمیوں اور جان بحق ہونے والے تمام افراد کا تعلق ضلع استور ہے۔ زخمیوں میں سے بعض کی حالت نازک بتائی جارہی ہے۔
پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔
