ایس ڈی پی او گوجال نے مسگر اور چپورسن میں واقع پولیس چیک پوسٹس کا معائنہ کیا

گلگت(پ ر) انسپکٹر جنرل پولیس گلگت بلتستان صابراحمد کی ہدایات پر ایس ڈی پی او گوجال اےایس پی کاشف نے چپورسن اور مسگر میں قائم پولیس چیک پوسٹوں کامعائنہ کیا۔ وہ بابا غندی زیارت کے قریب واقع چیک پوسٹ پر موجود جوانوں سے ملے اور آنے جانےوالوں کی انٹری اور چیکنگ کےطریقہ کار کا قریب سے جائزہ لیا۔ ایس ڑ ی پی او نے مسگر پولیس چیک پوسٹ کا بھی دورہ کیا۔ انہوں نے جوانوں سے کہا کہ فرض شناسی کےساتھ ڈیوٹی سرانجام دیں۔ جہاں تک درپیش مسائل کا تعلق ہے تو میں ان سے آگاہ ہوا ہوں۔ انشاءاللہ ان ضروریات اور مسائل کے حل کیلئے سفارشات ایس ایس پی هنزہ کے زریعے پولیس ہیڈکوارٹرز بھیجی جائیں گی۔