پرنس کریم آغاخان کے دورہ گلگت بلتستان کے موقع پر اہل سنت اور شیعہ برادری نے جس بھائی چارگی کا ثبوت دیا ہے اس کو ہمیشہ یاد رکھا جائیگا۔ ڈاکٹرعلی مدد شیر

غذر(بیورو رپورٹ) ڈویژنل صدر پی پی پی گلگت ریجن ڈاکٹر علی مدد شیر نے اپنے ایک بیان میں کہا ہے کہ پرنس کریم آغاخان کے دورہ گلگت بلتستان کے موقع پر اہل سنت اور شیعہ برادری نے جس بھائی چارگی کا ثبوت دیا ہے اس کو ہمیشہ یاد رکھا جائیگا۔ انھوں نے کہا کہ یاسین میں پرنس کریم آغاخان کی دیداری کے دوران اہل سنت برادری اور اہل تشیع برادری نے دیدار کے لیے آنے والے اسماعیلی بہن بھائیوں کو اپنے گھروں کے دروازے کھلے رکھے اورجس مہمان نوازی کا ثبوت دیا اس کی جتنی بھی تعریف کی جائے کم ہے۔ ہم پاکستان پیپلز پارٹی کی طرف سے اپنے اہل سنت برادری اور اہل تشیع برادری کے اس بھر پور تعاون پر ان کا دل کی اتھاہ گہرائیوں سے شکریہ ادا کرتے ہیں۔۔۔۔