شگر وزیر پور میں مویشیوں میں پراسرار بیماری، وٹیرنری ڈسپنسری میں نہ اسٹاف اور نہ ہی ادویات

شگر(نامہ نگار)عمائدین وزیر پور شگر نے کہا ہے کہ شگر وزیر پور میں مویشیوں میں پراسار بیماری عام، اودیات کا کوئی نام و نشان نھیں۔علاقے میں محکمہ حیوانات کے حکام عرصہ دارز سے غاب ہے اور کوئی پرسان حال نہیں۔ وزیر پور شگر کے وٹیرنری ڈسپنسری میں نہ ہی کوئی ڈاکٹر موجود ھے اور نہ ہی دیگر اسٹاف۔ مویشی اکثر متعدی امراض کی وجہ سے بیمار ہوجاتے ھیں تو دوائی بالکل نہیں مل پاتی۔آخر غریب عوام اپنے مویشیوں کو ذبح کرنے پر مجبور ھو جاتے ھیں۔ گورنمنٹ کی طرف سے ڈاکٹر تعینات ہے لیکن ڈاکٹر کبھی حاضر نھیں ھوئے۔انہوں نے اعلی حکام سے اس پر ایکشن لینے کا مطالبہ کیا ہے۔