کھوار زبان میں  حمد باری تعالی

ابتدا     بسم     اللہ     الرحمن      الرحیم

اوست    ارفع  و   اعلی  و    ذات    قدیم

تہ   صفتن   اوچہ   ذاتو    نکی    کیہ حد

تہ   کوری   شیر   محدود  نہ ازل،  نہ ابد

ایہ ہےزوم، اف ہے سین، یو زمین، ایہ اسمان

رینیان  چھوی  تا انوس،   یا رحیم   یا رحمان

فروسک    پونو    نشان    دوین پاک تہ کلام

ہیرہ   شیر   بچھارای    لو     حکمتو    مدام

ہورو         تنزیلو،     تاویلو    دوین    نشان

سورو   اسلامو    تاج،   ہادئ     دو    جہان

یہ   دنیو،  تے  دنیو   غیژی  ساتک   دی  تو

اسپہ  عیبان  پوشاک  دی، کھوشتیئیاک دی تو

اولیا    و    رسل     تہ    راہو    سم    بلت

ہر  زمانا   ویریغ   تہ  احسان ،  تہ   رحمت

تو ای  غیژی  خدای،  تہ سم جست  نکی کا

تہ   نشان،   تہ    عرفان،   عقل  کل  رہنما

تو  صفا  تاری    پاک   و  منزہ     اسوس

اسپہ   ایمانو  کورے     بنیان   مرصوص

تہ    تھناوی    چوکیرو    انسان   کامیاب

 تو  حکمتو  بوژاک،  تو  اعلم  با لصواب

تو  واحد،   تو   احد،   تو   ازل،   تو  ابد

دوین   یہ     لوو       قل    ھو اللہ   احد

تہ   ہداہت    پیدیر    یہ    جہانہ    مدام

یعنی        آل      محمد   علیہ    السلام

تہ    ووشکیار  ہادی   اسپہ   مدتو  بچین

گیاو   اسونی    وا  اسپہ     نجاتو  بچین

ان  اللہ  اصطفی   تہ    احسانو     ثبوت

ہمی  لولو  و  مرجان  و  در و   یاقوت

نزاریو   سورا   بای   تہ   رحمو   نیظیر

کوی  بیر  گیتی  اسور   تہ  دربارہ  اخیر

زاہد علی نزاری

شوتخار تورکھو

نوشتہ بتاریخ ۱۱ مارچ ۲۰۱۹