پامیر ٹائمز – اشکومن: احساس پروگرام کے تحت نقد رقم حاصل کرنیوالوں میں پیشن یافتہ اور برسرروزگار افراد شامل، اصل حقدار محروم

اشکومن: احساس پروگرام کے تحت نقد رقم حاصل کرنیوالوں میں پیشن یافتہ اور برسرروزگار افراد شامل، اصل حقدار محروم

Apr 21, 2020 پامیر ٹائمز عوامی مسائل Comments Off on اشکومن: احساس پروگرام کے تحت نقد رقم حاصل کرنیوالوں میں پیشن یافتہ اور برسرروزگار افراد شامل، اصل حقدار محروم

Facebook

Twitter

اشکومن(کریم رانجھا) ؔاحساس کفالت پروگرام کے تحت تحصیل اشکومن میں رقوم کی فراہمی جاری،رقوم حاصل کرنے والوں میں بیشتر تعداد پنشن یافتہ،برسر روزگار افراد پر مشتمل،اصل حقدار محروم رہ گئے،مقامی انتظامیہ کی مدد سے مرتب کئے گئے مستحقین کی فہرست نظر انداز،8171 پر مسیج بھیجنے والے غیر مستحق افراد بھی بہتی گنگا میں ہاتھ دھونے لگے۔تحصیل اشکومن میں احساس کفالت پروگرام کے لئے تحصیل آفس اشکومن کو چھ سو فارم مہیا کئے گئے تھے،مقامی انتظامیہ نے مسجد کے امام اور جماعت خانے کے موکھی کی مدد سے اصل مستحقین کی نشاندہی کرکے متعلقہ محکمے کو بھیجے گئے تھے لیکن ان مستحقین کو تاحال رقم فراہم نہیں کی جارہی جبکہ 8171پر مسیج بھیجنے والے سینکڑوں غیر مستحق افراد کو رقوم کی فراہمی کا سلسلہ جاری ہے۔معتبر ذرائع کے مطابق اس پروگرام سے استفادہ حاصل کرنے والوں میں سے اکثریت پنشن یافتہ حضرات کی ہے،اس کے علاوہ بعض ایسے افرا بھی مستفید ہو رہے ہیں جن کی مالی حالت کافی مستحکم ہے۔علاقے کے بیشتر غریب، مستحق اور بیوہ خواتین اس رقم سے محروم ہیں۔مزید برآں فنگر پرنٹ کی شناخت نہ ہونے کی وجہ سے بھی خواتین کی ایک بڑی تعداد امداد سے محروم رہ گئے ہیں۔علاقے کے سماجی حلقوں نے حکومت سے مطالبہ کیا ہے کہ تحصیل آفس کی مرتب کردہ فہرست کے مطابق مستحقین کو امدادی رقم فراہم کیا جائے۔