تازہ ترین اپ ڈیٹس October 6th, 2021 2:23 PM
قراقرم یونیورسٹی میں ہائیرایجوکیشن کی آن لائن ایجوکیشن پالیسی سے متعلق وائس چانسلر کے زیر صدارت اہم اجلاس
گلگت(پ ر) قراقرم انٹرنیشنل یونیورسٹی کے وائس چانسلر پروفیسر ڈاکٹر عطاء اللہ شاہ کے زیر صدارت ہائیرایجوکیشن کمیشن آف پاکستان کی موجودہ صورت حال کے پیش نظر مرتب کردہ آن لائن ایجوکیشن پالیسی سے متعلق اہم آن لائن اجلاس منعقد ہوا۔اجلا س میں ایچ ای سی کی جانب سے پاکستان بھر کی جامعات کے لیے وضع کردہ آن لائن ایجوکیشن پالیسی،آن لائن ٹیچنگ،لرننگ و اسسمنٹ سے متعلق پالیسی اور ایس او پیز سمیت دیگر اہم امور کے حوالے سے سیر حاصل گفتگو کی گئی اور اہم فیصلے کئے گئے۔وائس چانسلر کے زیر صدارت منعقدہ اجلاس آن لائن ویڈیو لنک کے ذریعے منعقد ہوا۔جس میں ڈینز،شعبہ جاتی سربراہان نے بھرپور شرکت کی۔ پبلک ریلیشنز آفس کے مطابق وائس چانسلر نے شعبہ جاتی ہیڈز کو تاکید کرتے ہوئے کہاکہ یونیورسٹی کی جانب سے تیاد کردہ لرننگ منیجمنٹ سسٹم میں تمام فیکلٹی کی جانب سے کم از کم ایک کورس کے مواد کو اپ لوڈ کرنے کو یقینی بنائیں۔تاکہ ٹرائل بیس پر شروع کی جانے والی ایل ایم ایس سسٹم کا ٹیسٹنگ کامیابی کے ساتھ چل سکے۔اور ہمیں آئندہ کے لیے بہترین پالیسی مرتب کرنے میں آسانی ہوسکے۔وائس چانسلر نے کہا کہ لرننگ منیجمنٹ سسٹم کو ٹرائل بیس پر مئی تک چلائینگے تاکہ اس ٹیسٹنگ کے ذریعے یونیورسٹی ایل ایم ایس سسٹم کو بہتر بنایاجاسکے اور مستقبل قریب میں لرننگ منیجمنٹ سسٹم کورسمی تعلیمی عمل کا حصہ بنانے میں آسانی ہو۔لہذا تمام ڈینز،شعبہ جاتی ہیڈز اور فیکلٹی ایل ایم ایس سسٹم میں اپنے متعلقہ مضامین سے متعلق تمام لیکچر ز اور دیگر ضروری مواد کو اپ لوڈ کریں۔تاکہ طلبہ وطالبات گھر بیٹھے باآسانی اپنی تعلیم و تحقیقی عمل کے سلسلے کو جاری رکھ سکیں۔
