پریس ریلیز: نیشنل سٹوڈنٹس فیڈریشن گلگت بلتستان سندھ زون نے سال 2021 کے لئے کراچی ڈویژن کی نئی کابینہ کا باقاعدہ اعلان ہفتے کی شام ڈویژنل اجلاس کے بعد کیا۔ عدنان حسن گوہر صدر، شمس الدین نائب صدر، حبیب مظاہر جنرل سیکرٹری، علی خان جوائینٹ سیکرٹری، جبکہ رئیس شاہ فنانس سیکرٹری، اظہر الدین میڈیا اینڈ انفرمیشن سیکرٹری، غزالہ نذیر خواتین سیکرٹری منتخب کئے گئے۔ اس کے علاوہ اسماعیل گوہر کو تعلیم و تربیت کے سیکرٹری، شبیر حسین کو ایونٹس اینڈ افئیرز سیکرٹری اور کاشف شاہ کلچرل افئیرز سیکرٹری منتخب ہوئے۔ سابقہ صدر عنایت بیگ نے سابقہ کابینہ کی طرف سے سرگرمیوں کی بریفنگ دی۔ نو منتخب صدر عدنان حسن گوہر نے اس عزم کا اعادہ کیا کہ تنظیم کے رہنما اصولوں پر قائم رہتے ہوئے نئی کابینہ کراچی میں مقیم گلگت بلتستان کے طلبہ و طالبات کو متحد کرنے اور اپنے تعلیم و روزگار کے حق کے لئے جدوجہد کرنے میں دن رات محنت کرے گی۔ اجلاس میں تنظیم کی مشاورتی کاونسل کے سینئیر رہنماوں نے بھی خصوصی شرکت کی اور تنظیم کے کام کو سراہا۔
آپ کی رائے
