پامیر ٹائمز – غیر مقامی خواتین نازیبا لباس پہن کے ہمارے علاقوں‌کا رُخ‌کر رہے ہیں‌جس سے ہمارے اقدار متاثر ہورہے ہیں، سید عباس الموسوی

غیر مقامی خواتین نازیبا لباس پہن کے ہمارے علاقوں‌کا رُخ‌کر رہے ہیں‌جس سے ہمارے اقدار متاثر ہورہے ہیں، سید عباس الموسوی

May 14, 2022 پامیر ٹائمز گلگت بلتستان 0

Facebook

Twitter

شگر(عابد شگری) نائب صدر علمائے امامیہ شگر سید عباس الموسوی نے کہا ہے کہ سیاحوں کی آمد کا وقت ہے مہمانان بلاشبہ اللہ کی رحمت ہے ان کا احترام ہم سب پر لازم ہے۔ لھذا ہم سب کی اجتماعی ذمہ داری ہے کہ مہمانوں کا خیال رکھیں۔لیکن آنے والے مہمانوں کی بھی ذمہ داری ہے کہ وہ ہمارے معاشرے کی اقدار کا خیال رکھیں۔اور اپنے ملبوسات کے چناو میں مقامی ثقافت و تمدن کی رعایت کریں۔لیکن افسوس اس بات کا ہے کہ آج باہر سے آنے والے مہمانان خصوصاً خواتین انتہائی نازیبا لباس میں ملبوس ہمارے علاقوں کا رخ کر رہے ہیں۔جوکہ ہمارے اقدار کو متاثر کررہے ہیں۔ لھذا انتظامیہ کی ذمہ داری ہے کہ آنے والے مہمانوں کو ہمارے اقدار کے بارے میں آگاہ کرے اور ان کو متنبہ کرنے کے لیے کاروائی کرے۔بصورت دیگر اگر مقامی افراد کے اس بابت روک تھام کے نتیجے میں لڑائی جھگڑا ہو اور حالات بد مزگی تک چلے جائے تو تمام تر ذمہ داری انتظامیہ پر عائد ہوگی۔ سیاحوں کی آمد ایک طرف معیشت کے حوالے سے نیک شگون ہے۔تاہم۔پردہنکا خیال رکھیں۔چونکہ بلتستان اسلام کے ثقافت و تمدن کا عکاس ہے اس میں بے پردگی و بے حجابی کی کوئی گنجائش نہیں ہے۔ لھذا ہم میں سے ہر ایک ذمہ دار ہیں کہ اس بے پردگی کی صورت میں ہونے والی ثقافتی یلغار کو روکنے کے لیے کردار ادا کریں۔