ہنزہ میں سردیوں سے پہلے ہی لوڈشیڈنگ کا بھوت نکل آیا

ہنزہ نگر ( بیورو رپورٹ) ہنزہ نگر کے مختلف علاقوں سے تعلق رکھنے والے عمائدین ،نمبرداران و سیاسی و ٹرانسپورٹرز کا گزشتہ روز چیف انجئینر محکمہ واٹر اینڈ پاور سے ملاقات، ہنزہ میں بڑھتی ہوئی لوڈ شنڈنگ پر اظہار خیال ہوا۔ اس موقع پر اسپیکر گلگت بلتستان قانون ساز اسمبلی علاوہ مطابعیت شاہ ممبر قانون ساز اسمبلی بھی موجود تھے ۔

ہنزہ بھر کے مختلف علاقوں سے آئے ہوئے عمائدین نے ہنزہ میں بجلی کی شدید بحران پر بات چیت کرتے ہوئے کہا کہ ہنزہ میں بجلی کی مختلف منصوبوں کی التوا شدہ کاموں پر اظہار خیال کیا جس میں مسگر پاور پرجیکٹ جو کئی سالوں سے التو کا شکار ہے انکوائری کمیٹی رکھنے کا مطالبہ کیا۔ جبکہ اس کے علاوہ مایون اور حسن آباد نالے میں ٹینڈر لیول پر ہے بجلی کی بحران کو مد نظر رکھتے ہوئے جلد از جلد ٹینڈر کرنے کا مطالبہ کیا۔ جس پر انھوں نے کہا کہ ایک ہفتے بکے اندر اند ر تھر مل جنریٹر کو آن کر دیا جائے گا جبکہ دو ہفتے کے اندر اندر مایون 500کلو واٹ اور 2میگاوٹ حسن آباد پاور پروجیکٹ پر ٹینڈر کیا جائے گا۔ جس کے بعد ہنزہ میں بڑھتی ہوئی لوڈ شیڈنگ پر قابوں پایا جاسکتا ہے۔ انھوں نے مزید کہا کہ ہنزہ بھر سے سواء ہسپتال اور ہیلتھ سنٹرز کے علاوہ کسی کو بھی اسپیشل لائن نہیں دیا جائے گا۔ اس کے لئے محکمہ برقیات ہنزہ نگر عوام کے تعاون سے سرکاری و غیر سرکاری ملازمین ، عبادت گاہوں ، موبائل ٹاورزکے علاوہ دیگر اہم مقامات سے اسپیشل لائن کاٹ دیا جائے گا تاکہ غریب اور امیر سب کو بجلی یکساں ملے۔