دیامر امن کرکٹ ٹورنامنٹ کا پہلا سیمی فائنل کھیلا گیا
چلاس(مجیب الرحمان)دیامر امن کرکٹ ٹورنامنٹ کا پہلا سیمی فائنل ٹی کے لائن اور کے کے ایچ کے مابین کھیلا گیا۔ٹی کے لائن نے پہلے کھیلتے ہوئے مقررہ اوورز میں ایک سو چھبیس رنز اسکور کر لیا۔ٹی کے لائن کے بیٹسمین روشن دین نے باون رنز اسکور کئے۔احمد اقبال سینتیس اور شاہد نے بیس رنز بنا کر نمایاں رہے۔جواب میں کے کے ایچ کی پوری ٹیم اٹھاسی رنز پر ڈھیر ہو گئی۔ٹی کے لائنز کے عالم اور آصف نے تین تین وکٹیں حاصل کیں۔روشن دین کو مین آف دی میچ قرار دیا گیا۔
