گلگت بلتستان میں قدرتی آفات کے مسائل کم کرنے میں اے کے ڈی این اور فوکس کا بڑا کردار ہے، احسان اللہ بھٹہ ہوم سیکریٹری
گلگت(ارسلان علی)ہوم سیکریٹری گلگت بلتستان نے کہا ہے کہ میں گلگت بلتستان کے سارے اخبارات پہلی فرصت میں پڑھ لیتا ہوں اور ہمارے ڈیپارٹمنٹ کے حوالے سے کوئی خبر چھپتی ہے تو اس ضلعے کے ڈی سی کواس خبر کی تصویر بنا کر متعلقہ ڈی سی کو بیجھ دیتا ہوں اور شام کو اس حوالے سے رپورٹ مل جاتی ہے۔
جمعہ کے روز مقامی ہوٹل میں انہوں نے نیشنل انسٹیٹیو آف ڈیزاسٹر منجمنٹ پاکستان کے زیرا ہتمام گلگت کے صحافیوں کو ڈیزاسٹر ریسک منیجمنٹ کے حوالے ایک روزہ ورکشاپ کی اختتامی تقریب سے خطاب کرتے ہوئے کہا کہ سرکاری ادارے یا کوئی بھی ادارہ اکیلے کچھ نہیں کرسکتے ہیں علاقے کو اس خطہ کے مسائل حل کرنے کے لئے این جی اوز ،صحافی برادری سمیت عوام کو کردار ادا کرنے کی ضرورت پڑھتی ہے ۔انہوں نے کہا کہ قدرتی آفات سے آسانے سے نمٹنے کے لئے عوام میں ولنٹریزم کے حوالے آگاہی پیدا کرنے کی ضرورت ہے اور اس حوالے سے ضلع ہنزہ اور غذر میں ولنٹریزم اور عوام کے خدمت کرنے کا جذبہ زیادہ ہے ۔انہوں نے کہا کہ گلگت بلتستان میں قدرتی آفات سے نمٹنے اور آفات رونماء ہونے سے قبل مسائل کم کرنے میں فوکس اور AKDNکا بہت بڑا کر دار ہے ۔ انہوں نے کہا کہ گلگت بلتستان میں صحافت کو فیکٹ اینڈ فیگر پر مبنی خبریں چلانا چاہیے اور قدرتی آفات کے دوران عوام تک سچی خبر پہنچانے کی کوشش کرنی چاہیے ۔
