شگر(کرائم رپورٹر)نامعلوم افراد کی پیرنوربخشیہ و ڈی ڈی او شگر سید محمد عراقی کی گاڑی پر پتھراؤ۔ونڈ سکرین اور سائیڈ شیشے توڑ ڈالے۔یہ واقعہ گذشتہ رات پیش آیا جب ہیڈ ماسٹر ہائی سکول شگر سید محمد عراقی اپنا گاڑی گھر کے باہر کھیت میں پارکنگ میں کھڑی کرکے گھر آئے ۔جب صبح اُٹھ کر دیکھا تو گاڑی کے شیشے بکھرے پڑے تھے۔
انہوں نے فورا پولیس کو اطلاع کردیا۔ پولیس نے ان کی مدعیت میں ایف آئی آر درج کرکے واقعے کی ہر زاویے سے تفتیش شروع کردیا۔
سید محمد عراقی نے میڈیا کو بتایا کہ انہیں کبھی کسی قسم کی دھمکی نہیں دی گئی ہے، اور نہ ہی کسی سے ان کی کوئی دشمنی ہے۔ واقعے کو مذہبی رنگ نہ دیا جئے۔ تاہم یہ کسی شرپسند شخص کی شرارت ہوسکتی ہے ۔ ایسے شخص کو پولیس تلاش کرکے قرار واقعی سزا دے اور اسے عوام کے سامنے لائیں۔
آپ کی رائے
