گانچھے (محمد علی عالم) فنڈز کی عدم دستیابی، ضلعی ہیڈ کواٹر خپلو کے عوام کوپانی سپلائی کرنے والے ٹینکیاں ٹوٹ پھوٹ کا شکار ہیں ۔ ٹینکیوں کی خستہ حالی کے باعث عوام گدلاپانی پینے پر مجبور ہیں ۔ پانی سپلائی کرنے والے اکثر ٹینکیوں کے چھت اور دیواریں ٹوٹ جانے سے اس میں سٹور کیے جانے والے پانی میں کیڑے مکوڑے اور مختلف قسم کے گندگی شامل ہورہی ہے ٹینکیوں کے چھت اور دیواریں ٹوٹنے سے اس میں سٹور پانی اس قدر گندا ہے کہ وہ پانی پینے کی قابل ہی نہیں مگر بدقسمتی سے وہی پانی شہر کے تمام آبادی کو سپلائی ہورہی ہے اور روزانہ ہزاروں لوگ وہی گدلا پانی استعمال کرتے ہیں آج تک کسی اعلیٰ حکام نے اس کا نوٹس نہیں لیا۔
ان کے گھر وں میں کھانے پینے کے لئے وہی پانی استعمال کرتے ہیں جو ٹوٹی چھتوں کے ٹینکیوں کے اندر موجودمختلف قسم کے کیڑے مکوڑے اور دیگر گندگی سے گزر کر آتے ہیں اس حوالے سے واٹر سپلائی کے ذمہ داروں سے رابطہ کرنے پر بتایا گیا کہ ان کی مرمت کے لئے کئی بار اعلیٰ حکام کو آگاہ کیا اور متعد دبار فائل ٹینڈر کے مراحل تک پہنچا مگر فنڈزکی عدم ستیابی کے وجہ سے سرد خانے کی نذر گئی ۔ عوام کو صٖاف پانی فراہم کرنے کی کوشش کرتے ہیں مگر ٹینکیوں کی خستہ حالی سے ہم خود پریشان ہے۔
آپ کی رائے
