ملک کے دوسرے حصوں میں فخرسے ہنزہ کی مثال دیتا ہوں، وزیر اعلی مہدی شاہ

ملک کے دوسرے حصوں میں فخرسے ہنزہ کی مثال دیتا ہوں، وزیر اعلی مہدی شاہ

10 views
0
Share on FacebookTweet about this on TwitterShare on LinkedInPin on PinterestShare on Google+
ہنزہ کریم آباد( بیوروچیف) وزیر اعلی گلگت بلتستان سید مہدی شاہ نے کہا ہے کہ گلگت بلتستان کے لئے 3 جی اور 4 جی ٹیکنالوجی فراہم کرانے کے لئے وزیر اعظم پاکستا ن سے خصوصی ملاقات کروں گا ۔ مقامی این جی او کاڈو کے زیر اہتمام تقریب سے بحیثیت مہمان خصوصی خطاب کر تے ہوئے انہوں نے اپنے بھرپور تعاون کا یقین دلاتے ہوئے کہا کہ کاڈو نے عوام کو فنی تربیت دے کر عوام کو اپنی مدد آپ کے تحت روزگار حاصل کر نے کے مواقعے فراہم کے ہیں انہوں نے کہا کہ ہنزہ میں تعلیمی شرح بے مثال ہے او ر میں اکثر ملک کے دیگر علاقوں میں فخر سے ہنزہ کی مثال دیتا ہوں یہاں مردو خواتین تعلیمی میدان میں دوسروں سے بڑھ کر ہیں کاڈو کی مختلف شعبوں میں خدمات قابل ستائش ہے بالخصوص معذور افراد کو ہنر مند بنانے کے لئے جو کام کیا گیا ہے وہ متاثر کن ہے ان کے لئے زاتی او ر حکومتی سطح پر مالی مدد فراہم کروں گا.
ہنزہ، وزیر اعلی گلگت بلتستان غیر حکومتی ادارے قراقرم ایریا ڈویلپمنٹ آرگنائزیشن (کاڈو) کی تقریب اسناد و انعامات سے خطاب کر رہے ہیں۔ تصویر: حسین نگری

ہنزہ، وزیر اعلی گلگت بلتستان غیر حکومتی ادارے قراقرم ایریا ڈویلپمنٹ آرگنائزیشن (کاڈو) کی تقریب اسناد و انعامات سے خطاب کر رہے ہیں۔ تصویر: حسین نگری

وزیر اعلی نے کہا کہ مجھے کمپیو ٹر کا استعمال نہیں آتا ہے اور نہ ہی میں اعلی تعلیم یافتہ ہوں عمر کے ایسے حصے میں پہنچ چکا ہوں کہ اب کمپیوٹر کی تر بیت بھی حاصل نہیں کر سکتا مگر اس کا یہ مطلب نہیں کہ میں نا خواندہ ہوں بلکہ میں نے بھٹو یونیورسٹی سے سیاست میں پی ایچ ڈی کی ہے اور پی ایچ ڈی کی ڈگری جعلی نہیں ہوتی ہے۔

اس سے قبل انہوں نے کاڈو کے زیر اہتمام کمپیوٹر کے مختلف کورسز مکمل کرنے والے طلباء و طالبات میں انعامات تقسیم کئے تقریب سے کاڈو کے زمہ داران نے بھی خطاب کیا اور ادارے کی کارکر دگی اور درپیش مشکلات پر تفصیل سے روشنی ڈالی۔
تقریب میں سپیکر قانون ساز اسمبلی وزیر بیگ ‘ صوبائی وزیر محمد علی اختر ‘ممبر قانون ساز اسمبلی متا بعت شاہ اور گلگت بلتستان کونسل کے رکن چےئر مین ابراہیم بھی شریک تھے ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔