ہنزہ آرٹس اینڈ کلچر کونسل مختلف آلات موسسیقی کی تربیت کا اہتمام کر رہی ہے

ہنزہ نگر ( بیورو رپورٹ ) ہنزہ آرٹس اینڈ کلچر کونسل اپنے محدود وسائل کے باوجود ہنزہ میں ثقافت، موسیقی، ادب اور فنون کو محفوظ کرنے اور انہیں مذید ترقی دینے میں مصروف عمل ہے۔ روایتی موسیقی کے آلات جیسے ڈڈنگ ڈامل، سرنائی اور توتیک کے دو مہینے کی تربیت دینے کے بعد اب دیگر موسیقی کے آلات جیسے پیانو، رباب، ہارمونیم اور گٹار کی تربیت دینے کے لئے دو مہینے کی کلاسیں شروع کررہا ہے جو آرٹس کونسل کے دفتر میں منعقد ہونگے۔ پروفیشنلز اورسٹوڈنٹس اس تربیت میں شامل ہوسکتے ہیں۔ تربیت کے اختتام پر شرکاء کو اسناد بھی دیے جائیں گے۔ خواہشمند نوجوانوں کو دعوت دی جاتی ہے کہ وہ اس نادر موقع سے بھر پور استفادہ کریں۔