ضلع ہنزہ میں پولنگ جاری، ٹرن آوٹ کم ہونے کی اطلاعات

ہنزہ (اکرام نجمی) گلگت بلتستان قانون ساز اسمبلی کے حلقہ 6ہنزہ میں ضمنی انتخابات کیلئے پولنگ جاری ۔ گورنر گلگت بلتستان میر غضنفر علی خان کے گورنر بننے کے بعد اس حلقے کا نشست خالی ہوا تھا اس نشست پر تین دفعہ ضمنی انتخابات ملتوی ہونے کے بعد الیکشن کمیشن گلگت بلتستان کی طرف سے 10ستمبر کا تاریخ مقرر کیاگیا تھا ۔

ضمنی انتخابات میں حکمران پارٹی پاکستان مسلم لیگ ن کی جانب سے گورنر گلگت بلتستان کے بیٹے شاہ سلیم خان ،پاکستان پیپلز پارٹی کے ٹکٹ پر سابقہ اسپیکر وزیر بیگ ،پاکستان تحریک انصاف کے ٹکٹ پر عزیز احمد ،عوامی ورکر ز پارٹی کی جانب سے اسیر رہنما بابا جان کی جگہ اخون بائے کے علاوہ تین آزاد امیدوار کرنل ریٹائرڈ عبید اللہ بیگ ،نیک نام کریم اور امین شیر حصہ لے رہے ہیں آزاد امیدواروں کے تعلق بھی مختلف پارٹیوں سے تھا مگر پارٹیوں کی جانب سے ٹکٹ نہ ملنے پر آزاد حثیت سے الیکشن میں حصہ لے رہے ہیں۔

صبح مقرر وقت پر پولنگ کے آغاز کے بعد پولنگ سٹیشنوں پر عوام کا رش کم دکھائی دے رہا ہے اگر یہی سلسلہ جاری رہا تو ٹرن آوٹ کم رہے گاعوامی حلقوں کا کہنا ہے کہ بار بار الیکشن ملتوی ہونے کی وجہ سے لوگوں میں دلچسپی کم ہواہے ۔

الیکش کے پر امن انعقاد کیلئے جی بی اسکاوٹس اور جی بی پولیس کو تعینات کیا گیا ہے ۔