کھوار غزل

کھوار غزل

11 views
0
Share on FacebookTweet about this on TwitterShare on LinkedInPin on PinterestShare on Google+

سیدنذیرحسین شاہ نذیرؔ

ڈونڈیوروتے چمن دی کھس اوچ نوئیکا پرائے مہ

دواختہ اہیہ کوماڑا بلبل چوڑیکا پرائے مہ

خیالان ای جہانہ صنم کدابی نیشی

وسوس بیرویہ ہردی نون بت توچھیکا پرائے مہ

بودردو چے ستمان اَف اچوبی روپھیرو

اُمیدو ای خوشانی برخ برخ ہوسیکا پرائے مہ

عشقوتے اُوجوشومو غرنانہ تان غیرداوا

اولیروتے ارزوان کو کاچوپیکا پرائے مہ

مستیو نادانیو چقیو نافہمیو

کوریک تے کھوشنابلی نویادی گیکاپرائے مہ

قسمتو فیصلہ یہ انجامار کیہ خبارنو

حیران بیتی دُنیادی بُوربُور لوڑیکا پرائے مہ

نوغداروا حوصلہ دیاؤ کیڑے مہ دیلاسہ دیاؤ

شتغاو بیرو ہردیہ آنوازشارئیکا پرائے مہ

ہرویلٹی معطر بوئے فضا دردو بستیو

آرمانوتے ٹمبوکی کہ بوچھوچھیکا پرائے مہ

کھوشتیکو کورا بیتم نذیرؔ کوری کوشش دی

رازنہان ہردیو سورا نسیکا پرائے مہ

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔