گلگت (چیف رپورٹر) محکمہ ایکسائز میں میرٹ پر بھرتیاں کرنے کی سزا سیکرٹریوحید شاہ کو دی گئی۔ جی بی ڈی ایم اے اپنے پاؤں پر کھڑا ہے اس میں بھی وحید شاہ کا اہم کردار ہے۔ وزیر اعلیٰ نے بات نہ ماننے پر اس کو سزا دی۔ ان خیالات کا اظہار پی پی پی جی بی کے صدر امجد حسین ایڈووکیٹ نے میڈیا سے خصوصی گفتگو کرتے ہوئے کیا۔ انہوں نے کہا کہ اس وقت گلگت بلتستان میں ایماندار اور میرٹ پر کام کرنے والے افسران کو کھڈے لائن لگا یا گیا ہے اور وہی افراد اور افسران کو اہم سیٹوں پر بٹھایا گیا ہے جو غلط اور وزیر اعلیٰ کی ہر فرمائش پوری کرتے ہیں اور وزیر اعلیٰ بادشاہ بنا ہوا ہے۔ بظاہر وزیر اعلیٰ میرٹ اور انصاف کی باتیں کرتا ہے جبکہ اندرون خانہ افسران پر دباؤ ڈال کر اپنے جائز و ناجائز کام کرواتا ہے۔ چیف سیکرٹری کی خاموشی معنی خیز ہے اور اس کرپشن و اقرباء پروری میں چیف سیکریٹری بھی براہ راست ملوث ہیں۔ آج ان افسران کی قدر ہے جو اچھی طریقے سے کرپشن کرتے ہیں۔ وحید شاہ کو اس کی ایمانداری کی سزا دی گئی ہے۔
آپ کی رائے
