اموات

سنیئر صحافی ادیب اور شاعر تاج محمد فگار سینکڑوں اشکبار انکھوں کے سامنے جمعہ کے روز سپرد خاک

چترال ( محکم الدین ) سنیئر صحافی ادیب اور شاعر تاج محمد فگار کو سینکڑوں آشکبار انکھوں کے سامنے جمعہ کے روز سپرد خاک کیا گیا ۔ اُن کی نماز جنازہ جنگ بازار مسجد کے احاطے میں قبرستان کے قریب ادا کی گئی ۔ جنازے میں علماء کرام ، سرکاری آفیسران ، سیاسی قائدین ، زبان و ادب ،صحافت سے وابستہ افراد کے علاوہ مختلف طبقہ فکر سے تعلق رکھنے والے لوگوں اور عمائدین علاقہ نے بڑی تعداد میں شرکت کی ۔ بعد آزان چترال پریس کلب میں مرحوم کی ایصال ثواب کیلئے قرآن خوانی ہوئی ۔ جس میں جملہ ممبران پریس کلب نے شرکت کی ۔ اس موقع پر ختم قرآن کے بعد اُن کی مغفرت کیلئے دُعا کی گئی ۔ اور خاندان کے ساتھ دلی ہمدردی کا اظہار کیا گیا ۔ صدر پریس کلب ظہیر الدین اور سابق صدر محکم الدین نے اپنے خیالات کا اظہار کرتے ہوئے تاج محمد فگار کی خدمات کو ناقابل فراموش قرار دیا ۔ اور اُن کی اچانک وفات کو کھورا زبان و ادب اور صحافتی اداروں کیلئے بہت بڑے نقصان سے تعبیر کیا ۔ انہوں نے کہا ۔ کہ تاج محمد فگار کھوار زبان و ادب سے دلی محبت رکھتے تھے ۔ اور ادب کی ترویج میں اُن کا اور اُن کے خاندان کا بہت بڑا حصہ ہے ۔اسی طرح صحافتی شعبے میں بھی اُن کی خدمات ہمیشہ یاد رکھی جائیں گی۔

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button