سکردو( رضاقصیر) وزیر اعظم پاکستان شاہد خاقان عباسی 25 اکتوبر کو ایک روزہ دوے پر سکردو آرہے ہیں جہاں وہ بحیثت چئیر مین گلگت بلتستان کونسل کے کیڈٹ کالج میں گلگت بلتستان کونسل کی موجود کونسل کے چوتھے اور مجموعی طور پر نویں اجلاس کی صدارت کرینگے، اس کے علاوہ وزیراعظم کیڈٹ کالج کے مقام پر ہی گلگت سکردو روڈ توسیعی منصوبے پر تعمیراتی کام کا افتتاح کرینگے کونسل کے زرائع کے مطابق اس موقع پر گلگت بلتستان کونسل کے مقامی اراکین وزیراعظم اور چئیرمین جی بی کونسل کو گلگت بلتستان کے آئینی حقوق ، ٹیکس کے نفاذ سمیت دیگر 20 نکاتی ایجنڈے پر گلگت بلتستان کے عوام کے تحفظات سے آگاہ کرینگے ۔ وزیراعظم کے علاوہ اجلاس میں وفاقی حکومت کی جانب سے وفاقی وزیر امور کشمیر و گلگت بلتستان برجیس طاہر سمیت چھ ممبران قومی اسمبلی شریک ہونگے جبکہ گلگت بلتستا ن کی نمائندگی گورنر اور وزیراعلی گلگت بلتستان کے علاوہ چھ مقامی اراکین کونسل کرینگے ۔ زرائع کے مطابق اس موقع پر مسلم لیگ ن کی مقامی قیادت کی جانب سے کیڈٹ کالج کے سامنے عوامی جلسہ کے انعقاد کے لیے بھی کوششیں ہورہی ہیں جہاں وزیراعظم پاکستان سے خصوصی خطاب کروائیں گے ۔
آپ کی رائے
