کمانڈر ٹین کور لیفٹیننٹ جنرل ندیم رضا نے اگلے مورچوں کا دورہ کیا

گلگت (پ۔ر) کمانڈر ٹین کور لیفٹیننٹ جنرل ندیم رضا نے فورس کمانڈر ناردرن ایریاز میجر جنرل ثاقب محمود ملک کے ہمراہ اگلے مورچوں کا دورہ کیا۔ اس موقع پر کو ر کمانڈر نے دفاعی انتظامات پر اطمینان کا اظہار کیا اور جوانوں کے بلند حوصلے کو سراہا ، جو نامساعد حالات اور موسمی سختیوں کے باوجود مملکتِ خداداد پاکستان کی حفاظت کی خاطر چاک و چوبند ہیں۔ کمانڈرٹین کور نے سی ایم ایچ سکردو کا بھی دورہ کیا اور مریضوں کی عیادت کی۔

لیفٹیننٹ جنرل ندیم رضا نے بات چیت کر تے ہوئے کہا کہ ہم دشمن کو سبق سکھانا جانتے ہیں اور دشمن کی کاروائیوں کا بھر پور انداز میں جواب دیا جا رہا ہے۔