ہنزہ (ذوالفقار بیگ ) التت ٹاؤن منجمنٹ سوسائٹی کا کابینہ تبدیل ۔ نیا کابینہ منتخب ۔ کابینے کی مدت تین سال ہوگی ۔ ٹی ایم ایس التت آفس میں ایک اہم اجلاس منعقد ہوا جس میں TMSالتت کے عہداران سمیت ممبرز کی کثیر تعداد نے شر کت کی ۔ اجلاس میں اگلے تین سال کیلئے نیا کابینہ منتخب کیا ۔ٹی ایم ایس التت کے نئے کابینہ میں عرفان کریم صدر ، رحیم خان نائب صدر ، محمد شاہ سکریڑی مالیات ، زاہد کریم جنرل سکریٹری ، شاہد جٹوری سکریٹری اطلاعات ونشریات منتخب ہوئے ۔ التت ایرے میں سیوریج سسٹم سمیت سوشل ایشوز کو مقامی سطح پر حل کرنے کے لئے کابینہ کام کرے گی ۔ منتخب کابینہ نے میڈیا سے بات کرتے ہوئے کہاکہ ہم اپنے علاقے کی خدمت کے لئے دن رات کا م کر یں گے ۔ معاشرے کو صاف ستھرارکھنے کیلئے تمام وسائل بروئے کار لائیں گے ۔ نو منتخب کابینہ نے التت کے تمام سیوریج لائنوں کا تفصیلی جائزہ لیا اور موقعے پر ہی خراب لائنوں کو فورا مرمت کرنے کے احکامات جاری کئے۔
آپ کی رائے
