تحریر: امیرجان حقانی
یہ خوش أٸند بات ہے کہ گلگت بلتستان میں دینی مدارس کے فاضل طلبہ و طالبات أغاخان ایجوکیشن سسٹم کے تعلیمی اداروں میں تدریس کے لیے دھڑا دھڑ ٹیسٹ انٹرویو کے مراحل سے گزررہے ہیں۔ یہ تبدیلی گزشتہ دو سال سے أٸی ہوٸی ہے۔ بہت سارے مدارس کے اساتذہ، مساجد کے أٸمہ و خطبا ٕ اور بڑے علما ٕ کرام کے رشتہ دار بھی AKESمیں نوکری اور تدریس کے لیے ڈاکومنٹس جمع کروا رہے ہیں۔ٹیسٹ انٹرویو کے مراحل سے گزر رہے ہیں۔ اہل سنت کا اقرإ روضة الاطفال ٹرسٹ میں بھی اسماعیلی مکتب فکر کی استانیاں تدریس کے فراٸض انجام دے رہی ہیں۔ اقرإ گلگت بلستان کے نگران اعلی صاحب نے سال پہلے مجھے بتایا تھا کہ وہ ضلع غذر میں اسماعیلی مکتبہ فکر سے تعلق رکھنے والی دو استانیوں کا تقرر کرچکے ہیں۔مزید بھی ٹیچر لیے جاٸیں گے۔ یاد رہے کہ گلگت بلتستان کے بہت بڑے دینی رہنما ٕ اور جامعہ کے رٸیس نے جدید ایجوکیشن سسٹم کا سال پہلے شروعات کی تو ECD سے أغاز کیا اور اس کے لیے پہلی ٹیچر بھی اسماعیلی کمیونٹی سے منتخب کرنے کی اجازت دی، جو انکی وسعت ظرفی اور معاشرتی تعامل کی بین دلیل ہے۔علما ٕ کرام کو ویسے ہی بدنام کیا جارہا ہے۔ہم أہنگی اور سماجی تعامل کی ایسی درجنوں مثالیں تینوں مکاتب فکر کے علما ٕ اور مذہبی زعماٶں کی موجود ہیں۔
میرے ایک دوست اطرب(ITREB) Ismaili Tariqah and Religious Education Board of Gilgit میں ذمہ دار ہے۔اعزازی خدمات انجام دیتے ہیں۔ کافی عرصہ پہلے اس نے مجھ سے کہا ہے کہ کچھ اسماعیلی طلبہ و طالبات دینی مدارس وجامعات میں قرأن کریم پڑھنا چاہتے ہیں تو کوٸی سبیل بنالیں۔ چونکہ دینی مدارس وجامعات میں تعلیمی سال کا اختتام ہوچکا ہے تو أٸندہ سال ان کی تعلیم کے لیے مدارس کے ذمہ داروں سے بات کرکے انتظام کیا جاٸے گا۔ ان شا ٕ اللہ۔
مجھے أغاخانی تعلیمی اور رفاہی اداروں سے شکایت بھی رہتی ہے کہ وہ دیامر کو نظر انداز کررہے ہیں تاہم یہ بھی سچ ہے کہ PDCNنے کافی سالوں سے دیامر کو فوکس کیا ہوا ہے۔اسی تناظر میں AKES گلگت بلتستان کے ذمہ داروں سے گزارش کرونگا کہ وہ ان کے پاس تدریسی کے لیے اپلاٸی کرنے والے مدارس کے فضلا ٕ و فاضلات کو ترجیحی بنیادوں پر ٹیچنگ کا موقع دیں اور جدید خطوط پر ان کے تدریسی سکلز اور ٹیچنگ میتھڈ کو بہتر کرنے کے لیے اقدامات کریں۔ایک اور ہم گزارش یہ ہوگی کہ PDCNگلگت بلتستان سرکاری اور پراٸیوٹ اسکولوں کے اساتذہ کو ایک طویل عرصے سے ٹریننگ دے رہی ہے۔اپنی فہرست میں گلگت بلتستان کے دینی مدارس و جامعات کو بھی شامل کیجے اور انکے اساتذہ کو خصوصی بنیادوں پر جدید ٹیچنگ کے میتھڈ سکھانے کی کوشش کریں۔ اگرچہ شروع میں اس کے لیے کافی مشکلات کا سامنا کرنا پڑے گا لیکن جلد اس پروگرام کو قبولیت حاصل ہوگی جس کے دورس اثرات مرتب ہونگے۔ ہزاروں غلط فہمیاں اپنی موت أپ مریں گی۔
دینی مدارس وجامعات اور ان کے اساتذہ وطلبہ کو سرکار نے تو مکمل نظر انداز کیا ہوا ہے تاہم پراٸیویٹ ادارے کمیونیکیشن گیپ ختم کرکے بہترین تعلیمی و معاشرتی تعامل کو فروغ دے سکتے ہیں۔ایک دوسرے کے تعلیمی اداروں کے دورے کیے جاسکتے ہیں۔طلبہ وطالبات کو اداروں میں ہونے والی ایکٹیویٹیز اور مقابلوں میں شریک کرسکتے ہیں۔ AKES کے طلبہ وطالبات اور اساتذہ بھی دینی مدارس و جامعات کے طرز تعلیم اور فنون سے استفادہ کرسکتے ہیں جس کے لیے مدارس وجامعات کو اپنا سینہ چوڑا کرنا ہوگا۔یاد رہے أج نہیں تو کل یہ کام کرنا ہوگا لہذا بہتر یہی ہے کہ أج سے ہی أغاز کیا جاٸے۔توھمات پالنے سے بہتر یہی ہے کہ حوصلہ کرکے شروعات کی جاوے۔
گلگت بلتستان میں اقرا ٕ روضة الاطفال سسٹم اور ریڈ فاونڈیشن(اہل سنت)، اسوہ ایجوکیشن سسٹم ( اہل تشیع) اور أغاخان ایجوکیشن سسٹم (اسماعیلی) بڑے پیمانے پر کام کررہے ہیں تاہم ان تمام میں کوارڈینیشن نہ ہونے کے برابر ہے۔جس کی وجہ سے بڑے خلیج اور دوریاں پاٸی جاتی ہیں۔پھر اہل سنت اور اہل تشیع کے مدارس و جامعات بھی ہیں اور اسماعیلیوں کا ITREB سسٹم بھی، یہ سارے بھی وسیع پیمانے پر کام کررہے ہیں۔ بڑی تعداد میں ان کے پاس طلبہ و طالبات ہیں۔
ضرورت اس امر کی ہے کہ پراٸیویٹ سکول سسٹم اور دینی و مذہبی تعلیم و تربیت اور رفاہی امور پر کام کرنے والے اداروں میں بھی کوارڈینیشن ہونی چاہیے تاکہ گھل مل جانے سے غلط فہمیاں ختم ہوجاٸیے اور باہمی اشتراک کا سلسلہ شروع ہوجاٸے۔وہی قومیں عروج پاتی ہیں جو تبدیلیوں کو قبول کرتی ہیں اور مقتضاٸے حال پیش نظر رکھتی ہیں۔اور سوساٸٹی کے تمام طبقات کو ساتھ لے کر چلتی ہیں۔خود کو محدود پیمانے پر منحصر کرکے ترقی کرنے کا خواب دیکھنا بہر صورت عبث ہے۔جس کے کھبی بھی اچھے اثرات مرتب نہیں ہوسکتے۔انسانی تاریخ میں ایسی مثالیں ناپید ہیں۔
اس حوالے سب سے اولین اور بہترین رول AKES اور PDCN کو ادا کرنا چاہیے۔ویسے بھی انہوں نے ہمیشہ چھوٹے بھاٸی کی طرح مشکل حالات میں ثالث کا کردار ادا کیا ہے۔ اسی طرح بہت سارے ادارے اور این جی اوز کام کررہے ہیں لیکن مخصوص حدود میں بند ہیں جو بہرصورت ناپسندیدہ ہے۔ان سب کو ہمت کرکے أگے بڑھنا ہوگا۔امن کے اس زمانے میں معاشرتی اشتراک و تعامل کے لیے ہنگامی اقدامات کرنے ہونگے۔صرف حکومت اور ریاست کی طرف دیکھ کر أنکھیں بند کرنا بھی فضول ہے۔اور ہاں ان تمام بڑے شخصیات اور اداروں میں غلط فہمیاں پیدا کرنے اور مذہبی تفرقہ ڈالنے والے لوگوں کی بڑی تعداد موجود رہتی ہے ان سے بچنے کی ضرورت ہے۔ان لوگوں کو سماج کی ترقی اور امن سے غرض نہیں ہوتی۔صرف اپنا الو سیدھا کرتے ہیں۔اللہ ان سے ملک وملت کو بچاٸے اور اللہ ہمارا حامی وناصر ہو۔
آپ کی رائے
