تازہ ترین اپ ڈیٹس January 22nd, 2021 5:06 PM
اسیران ہنزہ کی رہائی کے لیے مجوزہ دھرنا ایک ماہ تک موخر کرنے کا اعلان
ہنزہ (اجلال حسین) صوبائی وزیر، ڈی سی اور صدر اسماعیلی کونسل ہنزہ کی مداخلت پر اسیران ہنزہ رہائی کمیٹی نے 17اگست کا مجوزہ دھرنا ایک ماہ کے لئے موخر کر دیا۔
نمائندہ اسیران رہائی کمیٹی کے مطابق نگران صوبائی وزیر صحت ڈاکٹر امام یار بیگ، ڈی سی ہنزہ فیاض احمد اور صدر اسماعیلی ریجنل کونسل کرنل (ر)امتیاز الحق کے ساتھ ان کی طویل گفت وشنید ہوئی جس میں 17 اگست کے دھرنےکا مختلف پہلووں سے جائزہ لیاگیا۔ اس موقعے پر تینوں عہدیداروں نے کمیٹی اراکین کو یقین دلایا ہے کہ وہ وہ نوجوانوں کی رہائی کے لئے متعلقہ حکام سے بات چیت کریں گے اور اس عمل میں پورا کردار ادا کریں گے۔
اسیران ہنزہ رہائی کمیٹی کے مطابق صوبائی وزیر صحت، ڈی سی ہنزہ اور صدر اسماعیلی ریجنل کونسل کی یقین دہانی اور اپیل پر احتجاجی دھرنے کو ایک ماہ کے لئے موخر کیا گیا ہے۔
یاد رہے کہ گزشتہ دنوں کی جانے والی پریس کانفرنس کے دوران رہائی کمیٹی نے فیصلہ سنایا تھا تھا کہ جب تک ااسیران کی رہائی نہیں ہوتی 17اگست 2020ء سے شاہراہ قراقرم پر خاندان سمیت پرامن دھرنا دیا جائے گا۔
ٓہنزہ سے تعلق رکھنے والے 14 نوجوان اسیران مختلف جیلوں میں قید ہیں۔ اسیران رہائی کمیٹی کے مطابق ان نوجوانوں کو سیاسی مقاصد کے لئے جھوٹۓ مقدمات میں پھنسا کر طویل ترین سزائیں دی گئی ہیں جو انصاف سے روگردانی کے مترادف ہے۔ اسیران میں بابا جان، افتخار کربلائی اور عرفان سمیت 14 نوجوان شامل ہیں۔
