چترال ( نذیرحسین شاہ نذیر) چترال کے مقام برنس میں نوبیاہتا خاتون نے مبینہ طور پر خودکشی کرکے اپنی زندگی کا چراغ گل کر دیا ۔ چترال پولیس کے مطابق فضیلہ بی بی دختر عبدالرحیم ساکن اجنو تور کہو کی بیٹی رفضیلہ بی بی کی شادی ماہ جنوری میں برنس کے اکبر ولی سے ہوئی تھی ۔ گذشتہ روز فضیلہ بی بی گھر کے ایک کمرے میں دوپٹہ کو پھندہ کے طور پر گلے میں ڈالے ہوئے مردہ حالت میں پایا گیا ۔ جسے خود کشی قرار دیا جارہا ہے ۔ تاہم چترال پولیس نے ضابط فوجداری 174کے تحت تفتیش شروع کر دی ہے ۔
خاتون کی عمر 20 سال بتائی جاتی ہے ۔ جس کے پوسٹ مارٹم رپورٹ کا انتظار ہے ۔ ان کی نعش کو آبائی قبرستان ا جنو تورکہو میں سپرد خاک کر دیا گیا ۔
واضح رہے کہ چترال میں اسی قسم کی جوانسال خواتین کی ہلاکتوں کو خودکشی قرار دینا معمول کی بات ہے ۔ اور اس حوالے سے سطحی قسم کی تفتیش کرکے فائل بند کی جاتی ہے ۔ جس کی وجہ سے جوانسال خواتین کے جانوں کے ضیاع میں مسلسل اضافہ ہورہا ہے ۔
آپ کی رائے
