گلگت (عبدالرحمن بخاری سے ) گلگت بلتستان پولیس میں غیر قانونی طور پر نمائشی ترقی حاصل کرنے والے جوانوں سے سٹار اور فیتے واپس لے لیے گئے.
انسپکٹر جنرل اف پویس گلگت بلتستان سلیم بھٹی کے حکم پر فورس میں جوانوں کو گزشتہ ادوار میں دی جانے والی شولڈر پرموشن کو واپس لیتے ھوے سینکڑوں جوانوں سے سٹار اور فیتے اتارنے کا سلسلہ شروع کردیا گیا ہے.
گزشتہ چند سالوں کے دوران پولیس رولز کے خلاف غیر قانونی طور بالا افیسران نے من پسندوں کو فیتے اور سٹارز لگاے تھے. شولڈر پرموشن سے فورس میں انتظامی سطح پر شدید بد نظمی پیدا ہوگی تھی اور پولیس کے مرکزی دفتر کو بھی علم نہیں تھا کہ شولڈر پرموشن حاصل کرنے والوں کی تعداد کتنی ہے.
حال ہی میں آئی جی پویس نے اس صورتحال کا نوٹس لیکر غیر قانونی ترقیوں کو منسوخ کردیا اور ایسے تمام جوانوں سے سٹار اور فیتے واپس لینے کا حکم دیا جس پر عمل درآمد کا آغاز کردیا گیا ہے.
وزیر اعلی مہدی شاہ نے غیر قانونی ترقیوں کو بحال رکھنے کا اعلان کیا تھا جو سیاسی بیان ثابت ھوا.
آئی جی کے اس اقدام سے متاثر جوان ناراض ضرور ہیں لیکن جوانوں اور آفیسرز کی اکثریت نے فیصلے کو سراہا ہے اور عوامی حلقوں نے بھی سلیم بٹھی کی کوششوں کو پولیس نظام کے لیے سود مند قرار دیا ہے.
آپ کی رائے
