پاک آرمی اور چترال سکاؤٹس کی مشترکہ ریلیف اپریشن جمعرات کے روز بھی جاری رہی

پاک آرمی اور چترال سکاؤٹس کی مشترکہ ریلیف اپریشن جمعرات کے روز بھی جاری رہی

12 views
0
Share on FacebookTweet about this on TwitterShare on LinkedInPin on PinterestShare on Google+

چترال(بشیر حسین آزاد) پاک آرمی کے دوسری ہیلی کاپٹر میں مزید امدادی سامان جن میں خیمے،اشیاء خوردونوش اور گرم کمبل شامل تھے کو استور گولین،پستی ،مڈک لشٹ این ڈی ایم اے اور پی ڈی ایم اے کے ذریعے ڈراپ کرائے گئے جبکہ گرم چشمہ میں ہیلی نے لینڈکیا اور ایم پی اے سلیم خان اور این ڈی ایم اے اور پی ڈی ایم اے کے عملے نے امدادی سامان لوگوں میں تقسیم کیے۔گرم چشمہ سے واپسی پر آرمی ہیلی کاپٹرکے ذریعے 10افراد جن میں مریض اور مرد خواتین شامل تھے کو چترال پہنچائے گئے۔اسی طرح سب ڈویژن کے لئے امدادی سامان بھی آرمی ہیلی کاپٹر میں پہنچائے گئے۔جہاں پر کمانڈنٹ چترال سکاؤٹس کرنل نظام الدین شاہ نے امدادی سامان متاثرین اور مستحق افراد میں تقسیم کیے۔موقع پر موجود لوگوں نے پاک آرمی ، چترال سکاؤٹس اور خاصکر کرنل نظام الدین شاہ کا متاثرہ علاقوں میں امدادی سامان پہنچانے پر اُن کا شکریہ ادا کیا۔درین اثنا کرنل نظام الدین شاہ کی ہدایت پرچترال سکاؤٹس کی رسیکیوٹیم نے شغور میں پڑے ہوئے امدادی سامان سوخت پہنچایا جہاں سے بہت جلد متاثرہ علاقہ شیرشال کریم آباد کو پہنچائے جائینگے۔کرنل نظام الدین شاہ کی دفترسے جاری ایک بیان میں کہا گیا ہے کہ مورخہ 10فروری جمعہ کو موسم صاف ہونے کی صورت میں چترال سے مریضوں اور دوسرے محصور مسافروں کو بذریعہ ہیلی کاپٹر چترال سے پناہ کوٹ دیر اور خوازہ خیلہ سوات پہنچایا جائیگا اورخوازہ خیلہ اور دیر پناہ کوٹ سے مسافروں کو چترال پہنچایا جائیگا۔بیان میں کہا گیا ہے کہ بذریعہ ہیلی کاپٹر سفر کے لئے مریضوں اور نہایت ہی ضروری کام سے جانے والوں کو اجازت ہوگی ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔