چلاس(بیورورپورٹ) کھنبری میں مسافر گاڑی کو حادثہ خاتون سمیت ایک بچی جاں بحق 10افراد شدید زخمی۔تفصیلات کے مطابق تحصیل داریل کا علاقہ کھنبری میں سواریوں کو لیکر جانے والی ٹیوٹا جیب اچانک ڈرائیور کے قابو سے باہر ہوکر گہری کھائی میں جاگری ،جس کے نتیجے میں ایک بچی اور ایک خاتون موقع پر جاں بحق ہوگئیں ،جبکہ 10 افراد شدید زخمی ہوگئے ہیں ۔زخمیوں میں زیادہ تر تعداد خواتین کی ہے۔مقامی لوگوں اور ریسکو کی ٹیموں نے زخمیوں کو چلاس ہسپتال منتقل کر دیا جہاں ان کو طبعی امداد دی جارہی ہے ۔اسسٹنٹ کمشنر چلاس ظہور علی مری نے واقعے کی تصدیق کرتے ہوئے کہا کہ ضلعی انتظامیہ نے تمام زخمیوں کو چلاس منتقل کر دیا ہے اور انتظامیہ کی نگرانی میں زخمیوں کی علاج و معالجہ جاری ہے ۔
آپ کی رائے
