نعت رسول پاک صلی اللہ علیہ و آلہ وسلم

کلام: زاہد علی نزاری

 یا رسول اللہ!  توافضل ترین

رَوف و رحیم  و صادق امین

روشت ارو ہردین تودیوہ چکے

سراج  منیر  و   نور  مبین

رحمتو دعا ہمیش لگینیہ  تہ

بیشکہ  تو  رحمۃ  للعا لمین

بے مثل احمد و محمد تہ نم

نمیران  قرآنہ  رب العالمین

تو شفیعی، ما کنیم امید زتو

روزمحشر توشفیع المذنبین

چھوی تاانوس اللہوسلام تتے

درود رینیان ملایک و مومنین

پاک دیدارواسپتے نصیب کوسن

تہ  دیدار  دیدار  رب العالمین

ویشیتای اللہ تہ مصطفی کوری

یا نبی، تو شاہ  افلاک و زمین

معجزہ  شق  القمر  تہ یا  نبی

ہوی تہ عشقہ شمس قریب زمین

باغہ ہر گمبوری کوی ذکر رسول

زوخ دی کوی جستہ ذکر نورمبین

یقینا  قرآن   اوچہ   نور رسول

ہار مومنو  ہردیہ  میت جاگزین

نزاری خوشان، یہ تہ نمو اثار

تو  وسیلہ  از  الہ  العالمین

 

Print Friendly, PDF & Email

آپ کی رائے

comments