تووکہو چترال میں‌خستہ حال پُل عبور کرتے ہوے گاڑی دریا میں‌گر گئی، دو جان بحق، تین افراد زخمی ہوگئے

چترال ( محکم الدین ) تور کہو کے مقام واشچ میں خستہ حال پُل عبور کرتے ہوئے جیمنی سوزوکی دریا تور کہو میں جا گری ۔ جس سے دو افراد جان بحق تین زخمی ہوگئے ۔ حادثے میں باپ جان بحق بیتا زخمی ہوا ۔ تفصیلاات کے مطابق جیمنی سوزوکی نمبر A1 – 5206 جسے سعید الرحمن چلا رہا تھا ۔ زنگ لشٹ تورکہو میں اپنے رشتہ داروں سے عید ملنے کے بعد بیٹا وجیہ الرحمن اور دیگر افراد کو لے کر اپنے گھر واشچ جارہاتھا ۔ کہ گاؤں کے قریب پُل عبور کرتے ہوئے بے قابو ہوکر دریائے تورکہو میں جا گری ۔ جس کے نتیجے میں مسمی سعید الرحمن ولد حکیم نایاب اور واجد ولد محب الرحمن ساکنان واشچ جان بحق اور وجیہ الرحمن ولد سعیدالرحمن ، یورمس مراد ولد جم شاہ ساکنان واشچ اور ضیاء الرحمن ولد میر صوات خان ساکن زنگ لشٹ زخمی ہوئے ۔ جان بحق اور زخمیوں کو مقامی رضاکار نوجوانوں نے دریائے تورکہو سے نکا لا ۔ جبکہ زخمیوں کو آر ایچ سی شاگرام تورکہو میں داخل کر دیا گیا ہے ۔ چترال کے بالائی علاقوں میں دریاء کے اوپر پُل انتہائی خستہ حالی کا شکار ہیں ۔ اس لئے ان پُلوں پر حادثات روز کا معمول بن چکے ہیں ۔ خصوصا 2015 کے سیلاب سے متاثرہ کئی پُل از سر نو تعمیر کے انتظار میں ہیں ۔ لیکن اُن کی طرف سابقہ حکومت میں کوئی توجہ نہیں دی گئی ۔
Print Friendly, PDF & Email

آپ کی رائے

comments