چلاس( ڈسٹرکٹ رپورٹر )تانگیر میں دہشت گردوں کی فائرنگ سے شہید پولیس کانسٹیبل کو تانگیر ریمی کے مقامی قبرستان میں مکمل سرکاری اعزاز کے ساتھ سپرد خاک کر دیا گیا ۔پولیس کے مطابق گزشتہ روز تانگیر کا علاقہ ریمی میں ایک گھر پر چھاپے کے دوران دہشت گردوں اور پولیس کے مابین تصادم ہوا تھا جس کے نتیجے میں شرپسندوں کی فائرنگ سے دیامر پولیس کا جوان عارف حسین شہید ہوگئے تھے،اتوار کے روز تانگیر میں شہید پولیس اہلکار کی نماز جنازہ ادا کی گئی نماز جنازہ میں مقامی لوگ ،پولیس فورس کے سربراہان نے شرکت کی اور مکمل سرکاری اعزاز کے ساتھ عارف حسین کو مقامی قبرستان میں سپرد خاک کر دیا گیا۔
آپ کی رائے
