سیکریٹری ایجوکیشن نجیب عالم سمیت محکمہ تعلیم کے اعلی حکام نے بوائز ہائی سکول گلمت کا دورہ کیا

گلمت گوجال: محکمہ تعلیم کے اعلی حکام بشمول سیکریٹری ایجوکیشن نجیب عالم، ڈائریکٹر جنرل سکولز مجید خان، ڈائریکٹر ایکیڈمیک ریاض حسین شاہ ، ڈپٹی ڈائریکٹر ایجوکیشن ڈسٹرک ہنزہ محمد شریف ،ڈپٹی انسپکٹر آف سکولز جبار خان اور ڈپٹی ڈائریکٹر پلاننگ رحمت کریم نے گورنمنٹ بوائز ہائی سکول گلمت گوجال کا دورہ کیا۔

حکام نے صبح بچوں کے ساتھ اسمبلی کی کاروائی میں شرکت کی۔ معمول کی کاروائی کے بعد ہیڈ ماسٹر محمد نبی نے معزز معمانوں کو خوش آمدید کہا۔ بعد ازاں سیکریٹری ایجوکیشن نجیب عالم اساتذہ اور بچوں سے مخاطب ہوئے ۔اس کے بعد انہوں نے کلاسوں کا دورہ کیا، بچوں سے سوالات پوچھے اور ان کی کارکردگی کا جائزہ لیا۔

آخر میں ہیڈ ماسٹر محمد نبی نے اسکول کے حوالے سے ان کو بریفنگ دی۔

Print Friendly, PDF & Email

آپ کی رائے

comments