تازہ ترین اپ ڈیٹس January 27th, 2021 3:43 AM
خورشید احمد سنٹرل پریس کلب گلگت کا صدر، شکور اعظم رومی نائب صدر منتخب
گلگت۔ خورشید احمد سنٹرل پریس کلب گلگت کے صدر منتخب ہو گئے ہیں سنٹرل پریس کلب گلگت کے انتخابات 2020-21 کی الیکشن کمیٹی کے چیئرمین خالد حسین نے نو ٹفکیشن جاری کرتے ہوئے کہا ہے کہ مقرر کردہ تاریخ اور وقت تک ڈیمو کریٹک پینل کے علاوہ کسی اور پینل نے کاغذات نامزدگی جمع نہیں کر وائے الیکشن کمیٹی نے وقت میں 2 گھنٹے کی تو سیع بھی دی تاہم ایک ہی پینل کے کا غذات جمع ہوئے جس کے تحت ڈیمو کریٹک پینل کے خور شید احمد کو صدر‘ شکور اعظم رومی کو سینئر نائب صدر‘ امتیاز علی سلطان کو نائب صدر وجاہت حسین کو جنرل سیکریٹری اور ندیم خان کو فنانس سیکریٹری منتخب کیا گیا ہے۔
اس موقع پر سنٹر ل پریس کلب گلگت کے نو منتخب صدر خور شید احمد نے خطاب کرتے ہوئے کہا کہ صحافیوں نے جس اعتماد کا اظہار کیا ہے انشاء اللہ اس پر پورا اترنے کی ہر ممکن کوشش کی جائے گی انہوں نے کہا کہ گلگت بلتستان کے صحافیوں کے پریس فاؤنڈیشن اور بیمہ پالیسی منظور کر وائی گئی ہے مستقبل میں صحافیوں کے حقوق کے لئے مذید اقدامات اٹھائے جائیں گے تقریب کے دوران سنٹر ل پریس کلب کے سابق صدور حاجی محمد اقبال عاصی‘ امتیاز علی تاج و دیگر نے بھی خطاب کرتے ہوئے نو منتخب صدر و کابینہ کو مبارکباد دی
