تازہ ترین اپ ڈیٹس May 28th, 2022 7:09 PM
تازہ ترین
- شگر:طالبات کی کمپیوٹر تعلیم میںدلچسپی خوش آئند، سکالر شپ دینے کا اعلان
- قیدی بھی انسان ہوتا ہے
- علی آباد ہنزہ میں”پولیس خدمات مرکز” کا افتتاح، عوام کو ایک ہی چھت تلے مختلف سہولیات فراہم کرنے کا عزم
- وزارت داخلہ حکومت پاکستان اورچیف سکریٹری گلگت بلتستان کے نام
- نوجوان سیاسی کارکن مہربان کریم عزیز قضائے الہی سے وفات پاگئے، آبائی گاوں گلمت میں تدفین
کھرمنگ کے سرحدی گاوں میں مبینہ جنسی زیادتی کا واقعہ، لڑکی حاملہ ہوگئی، ملزم گرفتار
کھرمنگ (بیورورپورٹ) کھرمنگ کے سرحدی گاوں میں 18سالہ لڑکی سے زیادتی کا مبینہ واقعہ پولیس نے متاثرہ لڑکی کے والد کی مدعیت میں ایف آر درج کر کے ملزم کو گرفتار کر لیا ہے پولیس نے سات دنوں کا جسمانی ریمانڈ بھی حاصل کر لیا ہے متاثرہ لڑکی کا میڈیکل ٹیسٹ، سات ماہ کا حاملہ ہونے کا انکشاف ہوا ہے ایس پی کھرمنگ ضیاء اللہ نے ایف آئی آر، ملزم کی گرفتاری اور جسمانی ریمانڈ کی تصدیق کر دی ہے۔
تفصیلات کے مطابق ترکتی کھرمنگ سے تعلق رکھنے والہ 19سالہ نوجوان ‘ع’ ترکتی ہی کی رہائشی 18سالہ لڑکی سے زیادتی کرتا رہا۔ مسلسل زیادتی کی وجہ سے لڑکی اب حاملہ ہوگئی ہے۔ لڑکی کے والد کی درخواست پر ملزم کے خلاف تھانہ اولڈینگ میں ایف آئی آر درج کر کے اُسے گرفتار کیاگیا۔ پولیس نے عدالت سے سات روزہ جسمانی ریمانڈ بھی حاصل کرلیا ہے۔
متاثرہ لڑکی نے پولیس کے سامنے الزام لگایا ہے کہ ملزم ع شادی کا وعدہ کرکے میرے ساتھ جنسی زیادتی کرتا رہا اور ساتھ ہی منع کرنے پر بلیک میل کرتا رہا۔ اس لئے ڈر کے مارے کسی کو کچھ نہیں بتا سکی۔ ملزم ع پچھلے سات آٹھ ماہ سے مسلسل میرے ساتھ زیادتی کررہا تھا۔ شادی سے انکار کی وجہ سے پولیس کو درخواست دینی پڑی۔
ایس پی کھرمنگ ضیاء اللہ نے میڈیا کو بتایا ہے کہ میڈیکل رپورٹ کے مطابق لڑکی کے ساتھ زیادتی ہوئی ہے۔ ابتدائی تفتیش کے مطابق لڑکی نے صرف ‘ع’ نامی لڑکے کو زیادتی کا زمہ دار ٹھہرایا ہے۔
ضیاء اللہ خان نے مزید کہا کہ ملزم نے پولیس کے سامنے بیان میں کچھ اور لوگوں کے بھی نام لیئے ہیں لیکن ابتدائی میڈیکل رپورٹ سے نہیں لگتا ہے کہ اجتماعی زیادتی ہوئی ہے۔ اس لئے جب بچے کی پیدائش ہوگی تو ڈی این اے کے لئے نمونے جانچ بھیج دیئے جائیں گے اس کے بعد پتہ چلے گا کہ اصل ملزم کون ہے لیکن اس سے پہلے بھی ہماری تفتیش جاری رہے گی۔
