امواتمتفرق

نوجوان سیاسی کارکن مہربان کریم عزیز قضائے الہی سے وفات پاگئے، آبائی گاوں گلمت میں تدفین

ہنزہ: سب ڈویژن گوجال کے ہیڈکوارٹر گلمت سے تعلق رکھنے والے نوجوان سیاسی و سماجی کارکن مہربان کریم عزیز قضائے الہی سے وفات پاگئے۔ ان کی عمر 44 سال تھی۔

وہ چند ہفتے لاہور اور اسلام آباد کے مختلف ہسپتالوں میں زیر علاج رہنے کے بعد جان بحق ہوگئے۔ ان کی میت کو آج اسلام آباد سے آبائی گاوں گلمت پہنچایا گیا جہاں انہیں آہوں اور سسکیوں میں ہزاروں سوگواران کی موجودگی میں سپردِ خاک کیا گیا۔

مہربان کریم گلمت ینگ سٹارز کلب اینڈ سٹوڈنٹس ویلفئیر آرگنائزیشن نامی تنظیم کے بانی اراکین میں شامل تھے اور اس ادار ے کے صدر کی حیثیت سے بھی خدمات سرانجام دی تھیں۔ سماجی مسائل کے حل کے لئے انہوں نے پوری زندگی ہراول دستے میں کردار ادا کیا۔

مرحوم پاکستان پیپلز پارٹی کے متحرک کارکن تھے۔ ان کی نماز جنازہ میں پاکستان پیپلز پارٹی ہنزہ کے صدر اور کابینہ اراکین نے بھی شرکت کو اور ان کی آخری آرامگاہ پر پھولوں کے چادر بھی چڑھائیں۔ اس موقع پر سینئیر رہنما پی پی واعلی نمبردار حیدر آباد نے مرحوم کی سیاسی اور سماجی خدمات کو سراہا۔ سوگواران میں بیوہ، ایک بیٹا اور دو بیٹیاں شامل ہیں

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button