چہلم کے موقع پر بہترین حفاظتی اقدامات پر افواج پاکستان، پولیس، جی بھی سکاوٹس اور دیگر متعلقہ اداروں کو مبارکباد پیش کرتاہوں، وزیر اعلی

اسلام آباد(پ ر)گلگت بلتستان کے وزیراعلیٰ حافظ حفیظ الرحمن نے نواسہ رسولﷺ کے چہلم کے موقع پر بہترین حفاظتی اقدامات کیے جانے پر افواج پاکستان،پولیس، جی بی سکاؤٹس،سول انتظامیہ،رینجرز اوردیگر قانون نافذ کرنے والے اداروں کی کارکردگی کو شاندار الفاظ میں سراہتے ہوئے کہا کہ ہمیں اپنے سیکورٹی اداروں پر فخر ہے ۔وزیراعلیٰ گلگت بلتستان کا مزید کہنا تھا کہ عوام کی جان ومال کی حفاظت حکومت کی اولین ترجیحات میں شامل ہے ۔پائیدار قیام امن کے بغیر ہم ترقی نہیں کرسکتے ۔انہوں نے صوبائی محکمہ اطلاعات کو دئیے گئے ایک پیغام میں کہا کہ صوبے کی تعمیروترقی کیلئے صوبائی حکومت مخلص ہے اور خلوص نیت کے ساتھ پوری صوبائی کابینہ علاقے کی تعمیروترقی کیلئے کوشاں ہے ۔