گلگت (پ ر) آج مورخہ16فروری2017 کوSAPٹیچرز ایسوسی ایشن گلگت بلتستان کے مرکزی دفتر گلگت سے جاری ایک خبر کے مطابق صوبائی نائب صدر مسلم لیگ(ن) احسان علی نےSAPٹیچرز کی نمائندگی کرتے ہوئے وزیر اعلیٰ حافظ حفیظ الرحمن سے ملاقات کی۔احسان علی کے مطابق وزیر اعلیٰ نے کہا کہ میری طرف سےSAPاساتذہ کو خوش خبری دو کہ500سے زائد اساتذہ کو جون2017 تک مستقل کریں گے۔200سے زائد باقی ماندہ آسامیاں فنانس ڈویژن اسلام آباد دے گی۔انھوں نے کہا کہ اس سے پہلےSAP اساتذہ کی صوبائی ایسوسی ایشن کے نمائندوں کو بلا کرباقاعدہ مشاوت کرینگے۔SAPاساتذہ ایسو سی ایشن نے اپیل کی ہے کہ جلد از جلد ایسوسی ایشن کے ذمہ داروں سے ملاقات ممکن بنایا جائے تاکہ گلگت بلتستان کے تمام اضلاع کے اساتذہ میں پائی جانیوالی بے چینی کا ازالہ ممکن ہوسکے۔
SAPاساتذہ کی گلگت بلتستان کی تعلیمی میدان میں ناقابل فراموش قربانیاں ہیں لیکن افسوس کے ساتھ کہنا پڑتا ہے کہ اساتذہ سکول میں بیشمار مسائل سے دوچار ہیں۔دوسری طرف مستقلی کیلئے سابقہ حکومتوں کے ادوارسے دَر دَر کی ٹھوکریں کھانے پر مجبور ہیں۔ لیکن سیپ اساتذہ کے حوصلے بلند ہیں پہلے بھی جانی و مالی قربانیاں دی ہیں آئندہ کسی قربانی سے دریغ نہیں کریں گے۔
آپ کی رائے
