اسلام آباد امام بارگاہ حملہ: گلگت بلتستان سے تعلق رکھنے والے افراد سمیت 31 شہید، انسپکٹر بہادعلی شہداء میں شامل

اسلام آباد میں امام بارگاہ کو نشانہ بنانے والے دہشت گرد حملے میں گلگت بلتستان کے مختلف علاقوں سے تعلق رکھنے والے متعدد افراد کے شہید ہونے کی اطلاعات ہیں۔

پولیس ذرائع نے تصدیق کی ہے کہ دہشتگردی کے اس سانحے میں ضلع گانچھے گلگت بلتستان سے تعلق رکھنے والے انسپکٹر بہادعلی فرائض کی انجام دہی کے دوران جامِ شہادت نوش کر گئے۔، جبکہ ان کے والد اور بھائی زخمی ہیں۔ 

سوشل میڈیا پر گردش کرنے والی ایک ہاتھ سے لکھی گئی فہرست میں پانچ شہداء کو گلگت بلتستان کا رہائشی بتایا گیا ہے، جن میں ایک بچہ اور ایک کم عمر طالب علم بھی شامل ہیں۔ تاہم، حکام کی جانب سے تاحال شہداء کی شناخت سے متعلق کوئی باضابطہ تصدیق نہیں کی گئی۔

ابتدائی رپورٹس کے مطابق اس المناک حملے میں کم از کم 31 بے گناہ افراد شہید جبکہ 150 سے زائد زخمی ہوئے ہیں۔