یاسین ایکس سولجرز ویلفیئر آرگنائزیشن نے انتخابات میں حصہ لیںے کا اعلان کر دیا، دردانہ شاہ متفقہ امیدوار ہوںگے

گلگت(پ ر)یاسین ایکس سولجر ویلفےئر آرگنائزیشن کا گزشتہ روز یاسین سنٹر طاؤس میں ایک ہنگامی اجلاس منعقد کیا گیا ۔جس میں یاسین سنٹر ،درکوت،املست ،برکلتی، سندھی ،طاؤس ،مرکہ سے تعلق رکھنے والے سینکڑوں ریٹائرڈ فوجی حضرات نے شرکت کی ۔اجلاس میں ہندور سے تعلق رکھنے والے نمبر دار نے بھی شرکت کی ۔اجلاس میں متفقہ طور پر فیصلہ کیا گیا کہ آئندہ آنے والے قانون ساز اسمبلی الیکشن میں ایکس سولجر بھر پور حصہ لے گی اس حوالے سے تمام ایکس سولجر نے متفقہ طور پر الیکشن کیلئے صوبیدار (ر)دوردانہ شاہ کے نام پر اتفاق کیا ۔جس پر صوبیدار (ر) دوردانہ شاہ نے تمام حضرات کا شکریہ ادا کیا اور کہا کہ وہ ان کے مشکور ہے جنہوں نے ان پر اعتماد کیا انہوں نے اس عزم کا اظہار کیا کہ وہ الیکشن میں بھر پور حصہ لینگے اور کامیاب ہو کر علاقے کی تعمیر و ترقی میں کلیدی کردار ادا کرینگے ۔