پامیر ٹائمز – سوچی اولمپکس میں پاکستان کی نمائیندگی کرنے والا اتھلیٹ محمد کریم گلگت پہنچ گیا

سوچی اولمپکس میں پاکستان کی نمائیندگی کرنے والا اتھلیٹ محمد کریم گلگت پہنچ گیا

Mar 30, 2014 پامیر ٹائمز کھیل Comments Off on سوچی اولمپکس میں پاکستان کی نمائیندگی کرنے والا اتھلیٹ محمد کریم گلگت پہنچ گیا

Facebook

Twitter

گلگت ( وجاہت علی ) سو چی چمپئن میں شرکت اعزاز ہے ۔اور حریف ٹیم انڈیا کو شکست دے کر پاکستانی پر چم کو بلند کر دیا۔ہمارے پاس عالمی معیار کے سہولیات نہیں ہے۔پریکٹس کیلئے بیرو ن ملک جانا پڑتا ہے۔ہمارے جی بی ٹیلنٹ زیادہ ہے۔مگر مواقع اور سہولیات نہ ہونے کی وجہ سے ٹیلنٹ ضائع ہو رہا ہے۔حکومت پاکستان اور جی بی حکومت کو جس طرح سے حوصلہ افزائی کرنی چاہیے تھی ۔وہ نہیں کیا گیا۔ان خیالات کا اظہار عالمی سکی چمپئن شپ میں پاکستان کا نام روشن کرنے والے محمد کریم نے گلگت پہنچ کر میڈیا سے گفتگو کرتے ہوئے کیا.

انہوں ںے کہا کہ گلگت پہنچنے پر ان کے آبائی گاؤں نلتر کے لوگ محکمہ سپورٹس کے ڈائریکٹر حسین علی اور جی بی ایتھلٹس کا نما ئندہ کرنل کریم اور سابق مشیر وزیر اعظم مولانا عطاء اللہ شہاب محمد کریم اور عباس موجود تھے اس موقع پر صوبائی حکومت اور انتظامیہ کا کوئی فرد موجود نہیں تھا ۔مولانا عطاء اللہ شہاب نے خطاب کرتے ہوئے کہا کہ کریم نے وہ کام کر کے دکھا یا جو پوری قوم نہیں کر سکتی ۔انہوں نے اس سر امین پر پاکستانی پرچم بلند کر دیا جہاں پاکستانیوں کو نفرت کی نگاہ سے دیکھتے ہیں اس نے گلگت بلتستان وادی نلتر اور پاکستان کا نام روشن کر دیا۔ہمارے نوجوان کو کریم کے نقش قدم پر چل کر نام روشن کرنا چاہیے کرنل کریم نے خطاب کرتے ہوئے کہا کہ گلگت بلتستان کے پاس وہ ٹیلنٹ موجود ہے جو کسی اور ملک کے پاس نہیں ہے۔اور اگلی چمپئن شپ میں گولڈ میڈل پاکستان کا نام کر دینگے۔

اسسٹنٹ ڈائر یکٹر سپورٹس نے خطاب کر تے ہوئے کہا کہ آج محمد کریم نے پورے پاکستان سمیت گلگت بلتستان کا نام روشن کر دیا ۔ہمیں ایسے افراد کا ہر صورت حوصلہ افزائی کرنی چاہیے اور زیادہ مواقع ہمارے نو جوانوں کو ملنے چاہیے ۔مولانا عطاء اللہ شہاب نے کہاک ہ صوبائی حکومت اور بیورو کریسی کو موجود ہونا چا ہیے تھا ۔بہت جلد محمد کریم کے اعزاز میں صوبائی حکومت سے مل کر ایک پر وقار تقریب رکھیں گے ۔اور ہر صورت اس کی حوصلہ افزائی کرنیگے ۔یہ ہمارا قومی ہیرو ہے ۔اس کی وجہ سے علاقے کے مسائل اور ٹیلنٹ دونوں سامنے آئینگے ۔وزیر اعظم کو بھی محمد کریم اور وادی نلتر کے بارے میں بر یف کر و نگا ۔یاد رہے کہ محمد کریم اور عباس نے روس میں منعقد ہونے والے عالمی چمپئن شپ میں پاکستان کی نمائندگی کی ۔اور بھارت کو شکست دے کر پاکستانی پرچم بلند کیا ۔اہلیان نلتر نے میڈیا سے گفتگو کرتے ہوئے کہا کہ کرکٹ پر اربوں خرچ کیے جا رہے ہیں مگر سکی پر نہیں ۔اور محمد کریم و عباس PAF کے مر ہون منت آج اس مقام پر ہے ۔حکومت پاکستان اور جی بی کو اس طرف بھی توجہ دینے کی ضرورت ہے۔اور قومی ہیرو ز کی حو صلہ افزائی ضروری ہے۔