کاڈو کے زیرِ اہتمام ہنزہ میں خصوصی صلاحیتوں والے ہنرمندوں کی بنائی ہوئی دستکاریوں کی نمائش

کاڈو کے زیرِ اہتمام ہنزہ میں خصوصی صلاحیتوں والے ہنرمندوں کی بنائی ہوئی دستکاریوں کی نمائش

114 views
0
Share on FacebookTweet about this on TwitterShare on LinkedInPin on PinterestShare on Google+

ہنزہ ( اجلال حسین )کاڈو کی کاوشوں سے معاشرے پر بوجھ خصوصی افراد گھر کی کفالت کا ذریعہ بن گئے ہیں، اور یہ ایک عبادت ہے۔ کاڈو کی ان کاوشوں کو خراج تحسین پیش کرتا ہوں جن کی وجہ سے نہ صرف خصوصی افراد کی انکم کا ذریعہ پیدا کیا گیا ہے بلکہ علاقائی کلچر کو فروغ کی بھی سبیل کی گئ  ہے۔

ان خیالات کا اظہار ڈپٹی کمشنر ضلع ہنزہ ڈاکٹر انیس اقبال نے گزشتہ روز یو ایس ایڈ کی مالی معاونت سے قراقر م ایریا ڈولیمنٹ آرگنازیشن (کاڈو) کے زیر اہتمام خصو صی افراد کی بنائی گئی اشیا ء پر مشتمل نمائشی میلے سے خطاب کرتے ہوئے کیا۔

انہوں نے مزید کہا کہ کاڈو نے گزشتہ کئی سالوں سے علاقے سے کوڑا کرکٹ کو ٹھکانہ لگانے کے ساتھ تعلیم اور صحت کے میدان میں بھی عوام کی خدمت کی ہے۔ انشااللہ کاڈو آئندہ بھی حکومتی اداراوں کے ساتھ ملکر عوام کی خدمت میں شانہ بشانہ ہاتھ بٹائے گی۔

نمائش سے چیف ایگزیکٹیو آفیسر کاڈو کمال الدین نے اظہار خیال کرتے ہوئے شرکا کو کاڈو کے قیام سے اب تک کی جانے والے کاموں اور منصوبوں سے آگاہ کیا ۔

دوسری جانب نمائشی میلے کے اختتام پر چیرمین کا ڈو غلام مصطفی نے تمام مہمانون کا شکریہ ادا کیا اور اس با ت کی یقین دہانی کرائی کہ کاڈو ان افراد کے کام کرنے کے لیے سازگارما حول پید ا کرتا رہے گا۔

خصوصی افراد کے لئے منعقدہ نمائشی میلے میں خصوصی افراد کے والدین نے کہا کہ اس سے قبل ہمارے بچے خود کو گھروں پر ایک بوجھ سمجھتے تھے۔ اب اللہ کے کرم سے اور مختلف ڈونرز کے تعاون سے قراقرم ایریا ڈولیمنٹ کے حکام نے انہیں اس قابل بنادیا ہے کہ ہمارے اولاد کماو بن گئے ہیں۔ جس کے لئے ہم ان سب کا شکر گزارہیں ۔

میلے میں خصوصی افراد کی بنائے گئی مختلف مصنوعات مثلاً جیولری، دستکاری کے سامان کے ساتھ کھانے پینے کی اشیاء بھی رکھی گئی تھیں۔

یاد رہے کہ قراقرم ایریا ڈولیمنٹ آرگنازیشن KADOنے گزشتہ کئی سالوں کے دوران سینکڑوں خصوصی افراد، بشمول مرد اور خواتین،  کومختلف قسم کے ہنر سکھائے ہیں۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔