خبریںگلگت بلتستان

عوامِ گلگت بلتستان نے بے سرو سامانی کے عالم میں علاقے کو ڈوگرں سے آزاد کیا، ڈی سی ہنزہ

ہنزہ ( اجلال حسین ) یکم نومبر جشن آزادی گلگت بلتستان کے حوالے سے منعقدہ تقریب سے ڈی سی ہنزہ کپٹن (ر) سمیع اللہ فاورق نے کہا کہ آزادی کہنے کو تو آسان ہے مگر جن قوموں نے مشکل سے آزادی حاصل کی ہے ان کو آزادی کی اہمیت معلوم ہے۔ ہم خراج تحسین پیش کرتے ہیں ان شہدا اور غازیوں کو جنہوں نے بے سرو سامانی کے عالم میں گلگت بلتستان کو ڈوگرں سے آزاد کر لیا۔

ڈی سی ہنزہ نے مزید کہا کہ آزادی حاصل کرنے کے لئے بہت ساری قربانیاں دینی پڑتی ہیں۔ ہم عوام گلگت بلتستان کو فخر کے نگاہ سے دیکھتے ہے جنہوں نے یکم نومبر 1947ء کو علاقے کا آزاد کیا اور گلگت بلتستان کے مختلف علاقوں کا پاکستان کے ساتھ الحاق کیا۔

۔جشن آزادی گلگت بلتستان کے حوالے سے ہنزہ کے سرکاری وغیر سرکاری سکولوں میں اس دن کے حوالے سے تقریبات منعقد ہوئے اور گلگت بلتستان کے اُن شہداء اور غازیوں کو خراج تحسین پیش کیا گیا۔

اس سلسلے میں مرکزی سرکاری تقریب گورنمنٹ بوائز ڈگری کالج علی آباد میں منعقد ہوئی جس کے مہمان خصوصی ڈپٹی کمشنر ہنزہ تھے۔

پولیس کے چاق وچوبند دستے نے پرچم کو سلامی دی۔

تقریب سے پرنسپل ڈگری کالج علی آباد نے بھی خطاب کیا جبکہ اس موقع پرگورنمنٹ بوائز اینڈ گرلز کالج کے علاوہ گرلز سکول علی آباد کے طلباء نے ملی نغمے تقریر اور نعت شریف بھی پیش کی۔

ڈی سی ہنزہ کپٹن (ر) سمیع اللہ فاروق نے شرکاء طلباء میں اسناد بھی تقسیم کیں، جبکہ جنگ آزادی گلگت بلتستان کے غازی کو پھولوں کا ہار بھی پہنایا گیا۔

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button