عوامی مسائل

سولڈ ویسٹ منیجمنٹ میں‌معذور افراد کے لئے کوٹا مختص نہ کرنے پر احتجاج

چلاس ( ڈسٹرکٹ رپورٹر ) محکمہ سولڈ منیجمنٹ گلگت بلتستان میں خالی اسامیوں پر تقرریوں کیلئے جاری کردہ اشتہار میں معذور افراد کے لئے کوٹہ مختص نہ کرنا قانون کی سنگین خلاف ورزی ہے ۔ معذور افراد اس زیادتی کے خلاف سراپا احتجاج ہیں ۔ ان خیالات کا اظہار معذور ویلفیئر ایسوسی ایشن ضلع دیامر کے صدر رفیع اللہ نائب صدر اقبال نصیر ،جنرل سیکرٹری مولانا جان شیر و دیگر نے اپنے اخباری بیان میں کیا ۔ انہوں نے کہا کہ قانون کے مطابق کسی بھی محکمے میں تقرری کیلئے اشتہار دیتے وقت معذور افراد کیلئے کوٹہ مختص کرنا لازمی ہے ۔ لیکن محکمہ سولڈ منیجمنٹ کی مشتہر کردہ اسامیوں میں معذور افراد کے کوٹے کا ذکر نہیں ہے ۔ انہوں نے مزید کہا کہ معذور افراد اپنے حقوق کی سرعام خلاف ورزی پر ہر گز خاموش نہیں رہیں گے ۔ ایک ہفتے کے اندر معذور افراد کا کوٹہ مختص کر کے دوبارہ اخبارات میں اشتہار دیئے جائیں بصورت دیگر بھرپور احتجاج کیا جائے گا ۔۔۔۔
Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button
%d bloggers like this: