کے آئی یو ہنزہ کیمپس میں تین روزہ بین الاقوامی کانفرنس کا انعقاد کیا جارہا ہے، اختتامی تقریب میں‌صدر مملکت بھی شرکت کریں گے

ہنزہ (اکرام نجمی) قراقرم انٹر نیشنل یونیورسٹی گلگت بلتستان کے وائس چانسلر ڈاکٹر پروفیسر عطاللہ شاہ نے پریس کانفرنس سے خطاب کرتے ہوئے کہا ہے کہ (مونٹیئرنگ،ایکو ٹوریزم اینڈ ہوسپیٹلٹی کے عنوان سے تین روزہ ورک شاپ کا انعقاد کیا جارہا ہے کانفرنس 27جون سے 29جون تک جاری رہے گا جس کے اختتامی تقریب میں صدر پاکستان ڈاکٹر عارف علوی مہمان خصوصی ہونگے۔

کانفرنس میں تین سو سے زائد ملکی و غیر ملکی مندوبین شرکت کرینگے جن میں اقوام متحدہ کے مندوبین کے علاوہ تنزانیہ سے ڈاکٹر عمران رسیدی وائس چانسلر دالسلام یونیورسٹی ملائیشیا یونیورسٹی کے ڈاکٹر عزیزان، سلوینیااور ڈبلیو ڈبلیو ایف کے مندوبین شرکت کرینگے۔

پاکستان کے مختلف یونیورسٹیوں کے وائس چانسلرز اس کانفرنس میں شرکت کرینگے اس کانفرنس کو چار بڑے حصوں میں تقسیم کیا گیا ہے جس میں کلچرل ٹوریزم،ایکو ٹوریزم،ایکو ٹوریزم پالیسیز اور سی پیک اور ایکو ٹوریزم شامل ہیں۔

انٹر نیشنل کانفرنس قراقرم یونیورسٹی کے کسی بھی سب کیمپش میں پہلی بار منعقد کیا جارہا ہے اور یہ اعزازقراقرم انٹر نیشنل یونیورسٹی ہنزہ کیمپس حاصل ہورہا ہے ہنزہ کیمپس ہر لحاظ سے یونیورسٹی کا مثالی کیمپس ہے ہنزہ کیمپس کا آغاز 2017میں ہوا اس وقت چار سو طلبا و طالبات کے ساتھ بہترین کیمپس ہے

۔اس انٹر نیشنل کانفرنس کو کامیاب بنانے میں ہنزہ پریس کلب اور دیگر صحافیوں کا ہمارے ساتھ تعاون جاری رہے گا تاکہ میڈیا کے زریعے اس پروگرام کے زیادہ سے زیادہ کوریج کو یقینی بناکر اس کی مقصد کو لوگوں تک پہنچانے میں اپنا کردار ادا کریگی۔

Print Friendly, PDF & Email

آپ کی رائے

comments