اسکردو/گلگت: روندو پولیس نے کمسن لڑکی سے جنسی زیادتی کے الزام میں 4 افراد کو گرفتار کرلیا۔
بچی کو مبینہ طور پر ایک سال کے عرصے کے دوران متعدد افراد نے اجتماعی زیادتی کا نشانہ بنایا۔ مبینہ طور پر ملزمان نے جنسی زیادتی کی ریکارڈنگ کی اور پھر اس ویڈیو کو بچی کو بلیک میل کرنے کے لیے استعمال کیا۔
متعدد مقامی ذرائع کے مطابق یہ ہولناک واقعہ روندو کے نواحی علاقے طورمیک میں پیش آیا۔
وزیراعلیٰ خالد خورشید نے واقعہ پر شدید غم و غصے کا اظہار کرتے ہوئے اسے معاشرے کے لئے شرمناک قرار دیا ہے اور پولیس حکام کو ذمہ داروں کے خلاف سخت کارروائی کا حکم دیا ہے۔
معروف قانون دان اور ترقی پسند کارکن آصف ناجی نے پامیر ٹائمز سے گفتگو کرتے ہوئے اس جرم کی شفاف انکوائری اور تمام ملزمان کی گرفتاری کا مطالبہ کیاہے۔
آپ کی رائے
