گانچھے (محمد علی عالم) وزیر علیٰ گلگت بلتستان کی اعلان پر عمل درآمدکرانے کے لئے تمام سرکاری محکموں کے سب انجینئرز بھی میدان میں آ گئے۔ ان کا کہنا ہے کہ ہم دوسال تک خاموشی سے انتظار کرتے رہے مگر اب ہم خاموش نہیں رہیں گے۔ ہم میدان میں نکلاہے اپنا حق لے کے ہی رہیں گے۔ گانچھے سب انجینئر ز کے وفد نے رکن اسمبلی آمنہ انصاری ،سابق مشیر تعمیرات ابراہیم ثنائی اور میجر(ر) محمد امین سے ملاقات کر کے اپنا مسائل سے آگا ہ کیا ۔
اس موقع پر رکن اسمبلی آمنہ انصاری نے کہاکہ اس وقت صوبائی اسمبلی کومے میں ہے اسمبلی آخری سانس لے رہی ہے۔ صرف سب انجینئر ز نہیں بلکہ تمام سرکاری اداروں کے ملازمین احتجاج اور دھرنے پر ہے اور ہر کوئی اپنے طاقت سے اپنا حق حاصل کر رہے ہیں جو صوبائی حکومت کی نااہلی منہ بولتا ثبوت ہے۔اداروں میں ملازمین کی احتجاج اور دھرنے سے عوام سخت متاثر ہیں مگر بدقسمتی سے حکومت کو اس کا احساس نہیں ہے جب اداروں کے ملازمین کو سہولت ملے گا تو اس کا فائدہ خودبخود عوام کو ہوتاہے انہوں نے کہا کہ صوبائی اسمبلی کے اپوزیشن بہت کمزوراور ناکام ہے اسمبلی میں حکومت سے زیادہ اپوزیشن کو مظبوط ہونا چاہئے کیونکہ حکومت کے ہر اچھے اور بُرے کام کے نگرانی کرنا اپوزیشن کا کام ہوتا ہے مگر وہ ہو نہیں رہا ہے اس لئے حکومت اپنے من میں جو آتا ہے کر رہا ہے۔انہوں نے کہا کہ چیف سیکرٹری جی بی صرف اخبارات میں بیان دینے کی بجا ئے عملی کام بھی کریں بڑے بڑے دعوؤں کو چھوڑ کر ملازمیں کی مسائل کو ترجیح بنیادوں پر حل کریں۔ سابق چیف سیکرٹریز کی طرح صر ف اپنے پرموشن لے کر واپس جانے کی بجا ئے گلگت بلتستان کی عوام کے مسائل حل کریں اس موقع پر ابراہیم ثنائی نے کہا کہ تمام سیاسی رہنما ؤں کو اس وقت پارٹی سے ہٹ کر ان کی مسائل حل کرنے کے لئے کوشش کرنا چاہیے۔کسی بھی محکمے میں سب انجینئرزریڑھ کی ہڈی کے حیثیت رکھتے ہیں ۔ ان کا مطالبہ جائز ہے حکومت انکی کے مطالبات کو منظور کر کے ان کو اپ گریڈ کیا جائے ۔ انہوں نے کہا کہ ہم سے جتنا ہوتا ہے ہم کوشش کر یں گے ۔ اور صوبائی حکومت بھی سنجیدہ ہو کر احتجاج اور دھرنا دینے سے پہلے مطالبات حل کریں ۔
آپ کی رائے
