ریاض روڈ پر گھر میں آتشزدگی، کوئی جانی نقصان نہیں ہوا

گلگت(فرمان کریم) ریاض روڈ پر گھر میں آگ لگنے کے باعث لاکھوں مالیت کا سامان جل کر خاکستر ہو گیا ہے۔ منگل کے روز ریاض روڈ پر واقع غلام عباس کے گھر میں شارٹ سرکٹ کے باعث آگ لگ گئی جس سے دیکھتے ہی پورے گھر کو اپنے لپیٹ میں لے لیا۔ آگ کی شدت اتنی زیادہ تھی کہ گھر کی پہلی منزل مکمل طور پر جل گیا ہے ۔آگ کے باعث گھر میں رکھی ہوئی قیمتی سامان مکمل طور پر جل کر خاکستر ہو گیا۔ آگ کی اطلاع ملتے ہی ریسیکو 1122 اور فائر بر یگیڈ کی گاڑیاں بروقت پہنچ کر آگ پر قابو پالیا گیا۔ تاہم آگ سے کوئی جانی نقصان نہیں ہوا ہے۔ گھر کے مالک وسیم عباس نے بادشمال کو بتایا کہ محلے میں نصب ٹرانسفامر پر زیادہ دباو سے بجلی کی ترسیل میں کمی بیشی کے باعث یہ حادثہ ہو ا ہے۔