سانحہ شکار پور کی سخت مذمت کرتے ہیں، دہشتگرد قوم کا حوصلہ پست نہیں کر سکتے: عنایت شمالی

گلگت( پ ر) صوبائی وزیراطلاعات ،سیاحت ،ثقافت ،کھیل وامور نوجوانان عنایت اللہ شمالی نے شکارپور میں امام بارگاہ میں بم دھماکے کی شدید الفاظ میں مذمت کرتے ہوئے کہاہے کہ دہشتگرد قوم کاحوصلہ پست نہیں کرسکتے ۔ایسے گھناؤنے اقدامات سے ملک متزلزل نہیں ہوسکتا ، صوبائی وزیر عنایت اللہ شمالی کامزیدکہنا ہے کہ عوام پرامن رہ کران عناصر کے ناپاک عزائم کوخاک میں ملادیں۔ اپنے ایک بیان میں صوبائی وزیرکاکہناہے کہ شہداء کے لواحقین کے غم اور دکھ میں گلگت بلتستان کاہرفرد برابرکاشریک ہے۔ انہوں نے شہداء کے لواحقین کو صبرواستقامت کے ساتھ دہشتگردی سے نمٹنے اور اپنے صفوں میں اتحاد برقرار رکھنے کی تلقین کی ہے۔